Azkenik, gaur egingo du debuta Ohorezko Mailan Leioa Waterpolok

© LEIOAKO UDALA

Joan den denboraldian Ohorezko Mailara igoera historikoa lortu ondoren, lehiaketaren lehenengo hiru jardunaldietan parte hartu ezinik egon da Leioa Waterpolo, COVID-19aren ondorioz partiduak atzeratu egin direla eta. Azkenik, Kataluniarako bidea hartu dute leioaztarrek, eta norgehiagoka bi izango dituzte gaur eta bihar.

Gaur, zapatua, CN Catalunyaren aurka jokatuko dute laugarren jardunaldiari dagokion partidua, 18:00etan, eta bihar berriz, lehenengo jardunaldian bertan behera geratu zena, CN Sabadellen aurkakoa, 11:00etan.

Klubak gogorarazi duenez, kontuan hartu beharra dago Leioak ez duela lehiaketa ofizialeko partidurik jokatu martxotik, eta entrenamenduak ere ezin izani dituela normaltasunez egin azken boladan, pandemiagatik. Hortaz, ikusteko dago zelan moldatuko diren lehiara bueltatzean, goragoko maila batean gainera.

Erlazionatuak

Leioa Waterpolo, debutaren ametsa ezin gauzaturik oraindino

Leioa

Leioa Waterpolok maiatzean lortu zuen, ezustean, Espainiako ligako maila gorenera igotzea. Haatik, ezin izan du oraindino debuta egin, koronabirusa...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun