Kurkudi mendia babesteko martxa jendetsua egin dute

400 pertsona inguru bertaratu dira SOS Kurkudi! plataformak antolatutako martxara. © LEIHOA.INFO

Leioako Domingotarren komentu zaharrean kiroldegia egiteko proiektuaren aurka egiteko, eta berdegune horri babesa erakusteko, adin guztietako 400 pertsona bertaratu ziren atzo goizean SOS Kurkudi! plataformak antolatutako mendi-martxara.

Sakoneta kiroldegitik abiatuta, 11:40ean atera ziren Kurkudi mendira bidean, jai giroan, trikiti dinuakaz eta "SOS Kurkudi, zain dezagun" leloa aldarrikatuz.

Behin mendian, SOS Kurkudi! plataformako kideek egun horretarako prestatutako komunikatu bat irakurri zuten, salatzen zuena Kurkudi arriskuan dagoela, eta gaineratzen zuena "orain babesten ez badugu, gure begiek ikusten dutena, oroitzapen bat besterik ez dela izango". 

Hitzaldian adierazi zuten ez direla kontu politiko batez ari, ezta ideologikoaz ere. "Ez dauka zentsurik hemen egin nahi dutena, ez dugu gimnasio bat behar, altxor hau mantendu nahi dugu, eta baita bertan dagoen bizitza ere bai", aldarrikatu zuten. Plataformako kideek aitortu zutenez "bide luze eta zail bat" dute aurretik, orain arte ere erreza izan ez dena; baina denen laguntzagaz aurrera jarraitzeko prest agertu ziren.

Martxa bukatzean, antolatzaileek horren balantze positiboa egin zuten, "parte-hartzea arrakastatsua" izan zelakoan. Aldi berean, bertaratutako 400 lagunei eskerrak eman gura izan zizkieten, eta eskatu zieten Kurkudi mendia babestearen aldeko mezua zabaltzen laguntzeko.

Erlazionatuak

SOS Kurkudik salatu du Leioako Plangintzako Aholku Batzordetik kanpo uztea erabaki duela Udalak

Leioa

SOS Kurkudi plataforma osatzen duten hiru elkarteek salatu dute Leioako Udalak Plangintzako Aholku Batzordetik kanpo utzi dituela. Urriaren 20an em...
Kurkudi mendiari babesa kentzeko urratsak egiten segitzea leporatu die EH Bilduk gobernu-taldeko alderdiei

Leioa

Leioako EH Bilduk balorazioa plazaratu du joan den astelehenean Leioako Plangintza Aholku Batzordeak egindako saioaz. Koalizioaren iritziz, "EAJk e...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun