Laket Leioako jabekuntza-eskolak ateak irekiko ditu Mendibilen

Laket Leioako emakumeen jabekuntza-eskolak hainbat jarduera prestatu ditu urte honetarako, Mendibilen zabalduko duen egoitza berrian. Udalak liburuxka bat banatuko du herritarren artean jarduera horien berri emateko.

Udalerriko emakumeak prestatu eta ahalduntzeko xedea duen jabekuntza-eskolak online zerbitzuak eman ditu orain arte, pandemiaren egoerak hala baldintzatu duelako, baina, datorren astetik aurrera, zerbitzu horiek gune fisikoa izango du Mendibileko eskola zaharrean. Indarkeria matxista, identitateak, emozioak, sexualitatea edo kulturagaz lotutako gaiak jorratuko dituzte, urtean zehar garatuko dituzten hainbat ekintzen bidez, hala nola tailerrak, antzerkiak eta hitzaldiak.

Ekintza horien berri emateko, Leioako Udalak liburuxka bat banatuko herritarren artean. Jarduera horietan parte hartzeko izen-ematea udal-webgunean edo laket@leioa.net helbide elektronikora idatziz egin beharko da. Bide horietaz gain, Herritarrentzako Arreta Zerbitzuan, udaletxean bertan eta Gaztelubiden ere eman daiteke izena.

Segurtasun-neurriak betetzeko, plazak mugatuak izango direla jakinarazi dute Berdintasun Arloko ordezkariek; beraz, izena lehenbailehen emateko aholkatu diete bertaratzeko interesa dutenei.

Lamien Kantuen Etxetik eratorritako Laket izena daraman eskolak bost lan-ardatz estrategiko izango ditu bere helburuak garatzeko: feminismoa, osasuna, biolentzia, kultura-aniztasuna eta elkartasuna. 

Erlazionatuak

Laket jabekuntza-eskolak hiru ikastaro eskainiko ditu online

Leioa

Koronabirusa dela eta ateak itxita ditu Leioako Laket eskola sortu berriak, baina gizon eta emakumeen arteko berdintasuna sustatzeko hiru ikastaro ...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun