Avanzadaren gorabeherak azaltzeko agerraldia egingo du bihar Azpiegituren diputatuak

Bilbo norabidean Avanzada berrantolatzeko lanak egiten ari dira. © LEIOA.INFO

PPk Azpiegituren diputatuaren agerraldia eskatu du Avanzadako lanek Leioako trafikoan izango duten eragina azaldu dezan, eta auzotarren galderei erantzuteko. Bihar, eguaztenean, egingo dute batzordea Bizkaiko Batzar Nagusietan.

Avanzadako berrantolaketa-lanek leioaztarrengan izango dituzten eraginen inguruko galderak erantzuteko, Imanol Pradales Azpiegituretako eta Lurralde Garapenerako foru diputatuaren agerraldia eskatu du Bizkaiko PPk. Hala, Eduardo Andrade alderdi popularraren bozeramaileak egindako eskaerari erantzuteko komisioa egingo dute bihar, martxoaren 10ean.

Espero dute herritarren galderei erantzuna ematea, hala nola ezabatuko den irteerak auzoetan eragingo dituen kalteak, edo egin dituzten manifestazioak eta aldarrikapenak kontutan hartu dituzten.

Andradek adierazi du lanak hasi zirenetik auzotarren kezka nagusiak izan direla informazio falta eta herriko errepideengan izango duen eragina. "Irteera hori kentzeak herri barruko trafikoa areagotuko du", zehaztu du bozeramaile popularrak.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun