Aurtengo Umore Azoka arrakastatsuak 27.000 ikusle baino gehiago erakarri ditu

Pozik daude Umore Azokako antolatzaileak aurtengo kale-artisten jaialdiak izan duen erantzunagaz; izan ere, aurreko urteetako gorabeheren ostean, jaialdiak bere xarma eta erakartzeko ahalmena mantentzen ditu. Aurreko lau egunetan, 90 emanaldi programatu dituzte Leioako 18 gune eszenikotan eta, guztira, 40 konpainiak parte hartu dute: 19 euskaldunak, 16 Estatukoak eta bost nazioartekoak.

Amaitu berri den Umore Azokaren XXII. edizioak ekimenaren onespena eta erakargarritasuna berretsi dute beste behin. Zehazki, barikutik domekara bitartean, maiatzaren 10tik 22ra, 27.000 pertsona baino gehiago hurbildu dira Leioan eskaini dituzten 90 emanaldiez gozatzeko. "Arrakasta izugarria izan da, eta horrek azken urte bietako gorabeheren ondoren Umore Azokaz gozatzeko gogoa zegoela erakusten du", azpimarratu du Iban Rodiguez Leioako alkateak.

Esan daiteke aurtengo Umore Azoka ezin hobea izan dela, hurbildu diren milaka ikusleek ikuskizun guztietako harmailak bete dituztelako; "antzerkizaleak eta publiko orokorra, familiak eta gazte-taldeak, adinekoak eta erdi mailako ikusleak bertaratu dira", azaldu dute antolatzaileek. Gainera, eguraldi onak eta inolako gorabeherarik ez izateak aurtengo jarduera guztiak arazo gabe egin ahal izatea laga diela eskertu dute arduradunek.

Bestalde, Umore Azokagaz batera antolatzen duten profesionalentzako merkatuak hurrengo hilabete eta urteetarako programazioa osatzen lagundu diela azaldu dute antolatzaileek, aurreko egunetan Leioan egon diren konpainien eta Euskadiko, Estatuko eta nazioarteko profesional ugarien artean hainbat kontratazio-proposamen itxi baitituzte.

Ohikoa den bezala, Umore Azokak bere sariak ere banatu ditu aurten, eta Orain Bi, Euskal ikuskizunik onena Mute lanagatik, eta Truca Circus (Andaluzia) munduko ikuskizunik onena Sopla! obragatik, saritu dituzte. Gainera, Aipamen Berezia egin dio epai-mahaiak Maitane Sarralderi, Desªnuda dantza-lanagatik.

Erlazionatuak

Alberto García: "Kaleko artea demokratikoa den eremu batean garatzen da"

Leioa

Beste behin, kaleko artisten agerlekua izango da Leioa, maiatzaren 19tik 22ra. Aurten, Euskal Herriko, Espainiako Estatuko eta nazioarteko 40 konpa...
Indarberrituta dator aurtengo Umore Azoka

Leioa

Leioan, maiatzaren 19tik 22ra bitartean egingo den kaleko artisten azoka handia aurkeztu dute gaur, maiatzak 5. Euskal Herriko, espainiar Estatuko ...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun