Leioako Udaleko bulego teknikoa daborduko Lamiako, Pinueta eta Ibaiondo auzoetan TAO zerbitzua ezartzeko beharrezkoa den dokumentazioa prestatzen ari da. Deia komunikabideak argitaratu duenez, aldez aurretik, gobernu-taldeak enpresa bat kontratatu zuen Leioa eta Getxo arteko mugaren aparkalekuaren egoera aztertzeko.
Sare sozialetan hainbat herritarrek adierazi duten bera ondorioztatu du ikerketak: Itzulbatzeta/Romo eta Santa Ana auzoetan TAO ezarriz gero, aparkatzeagatik ordaindu gura ez duten gidariak Leioako auzoetara joango dira ibilgailua uztera, bertako bizilagunen kalterako.
Horrenbestez, ikerketako datuak lurraldeko informazio-batzordeko zinegotziei helarazi zizkieten, eta udal-talde guztiak bat etorri ziren Leioako bizilagunak babesteko TAO sistema ezarri beharra zegoela.
