Itsasadarreko errepidea oinezkoen bide bihurtzeko lanak hasi dituzte Leioan

Itsasadarreko bulebarrak Lamiakoko tartean izango duen irudia. © BIZKAIKO FORU ALDUNDIA

Daborduko hasi dituzte lanak Lamiakoko dartsenatik igarotzen den errepidea oinezkoentzako eta bizikletentzako gune bihurtzeko. Horren ondorioz, gaurtik aurrera ibilgailuen zirkulazioa itxita egongo da eta trafikoa Felipe del Rio kaletik bideratuko da behin betiko.

Leioan, BI-711 errepideak dituen 800 metroko tartea oinezkoentzako eta bizikletentzako ibilgune bilakatzeko lanak hasi ditutze, Bizkaiko Foru Aldundia bultzatzen ari den Getxo eta Bilbo arteko bulebarraren proiektuagaz aurrera eginez.

Era berean, Leioako udal-iturriek azpimarratu dutenez, bidegorri zati berri horrek nabarmen aberastuko du udalerriko bidegorri-sarea; izan ere, zehaztu dute Leioako metro-geltokiagaz lotu eta hortik norabide bitan banatuko dela: Lamiakoko metro geltokira edo Udondoko Bulebarrera, Sarrienaraino jarraituz. Metroaren bi geltokiak eta Leioako geltokia itsasadarragaz lotuko dituzten zatiak proiektu-fasean daude gaur egun, eta aurtengo azken hiruhilekoan lizitatuko dituztela iragarri dute.

Udal-iturriek azpimarratu dutenez, "Leioak urrats sendoa eman du iraunkortasunerantz, garraio iraunkorraren aldeko apusturantz, eta oinezkoentzako gune seguru eta atseginak sortzen jarraitzen du". Horregaz, itsasadarrera begira dagoen aisialdirako gune berri bat lortuko dela gaineratu dute, aire zabaleko jarduera osasungarriez gozatzeko aukera ematen duena, hala nola bizikleta, patinajea edo baita ibilaldi atseginak ere.

Erlazionatuak

Horrelakoa izango da itsasadarreko bulebarra

Urtebete barru hasiko dituzte Getxo eta Bilbo elkartuko dituen itsasadarreko pasealekua eta bizikleta-bidea eraikitzeko obrak. Aldundiak egitasmo b...
Oinez edo bizikletaz mugitzeko bulebarra eraikiko dute Bilbo eta Getxo aldean, itsasadarrean

Bilbo, Erandio, Leioa, Getxo eta Barakaldo lotuko dituen bulebar bat egingo dute itsasadarraren ertzean. Zazpi kilometroko ibilbidea oinezkoentzako...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun