Azokan parte hartzeko kalea adierazpide eta komunikazio artistiko gisa erabiltzen duten konpainia, artista eta talde profesionalen proposamen eta lanak daborduko aurkeztu daitezke Umore Azokara. Umeei, familiei edo helduei zuzenduta dauden kaleko arteetako dauden diziplina guztietako proposamenak aurkeztu ahal izango dira, hala nola antzerkia, musika, zirkua, dantza, clown, performanceak, instalazioak, eta abar.
Antolatzaileek zehaztu dutenez, 2023ko maiatzetik aurrera estreinatutako lanak edo Espainiako Estatuan estreinatu gabeko muntaiak onartuko dituzte. Gainera, jaialdian estreinatzeko proposamenak oso positibotzat joko dituzte, betiere Batzorde Artistikoak behar adina denbora badu estreinaldiaren kalitatea bermatzen duten datuak biltzeko.
