Uribe Kosta jaietan 2016

Miguel Beitia Santovenia: "Antolintxu eta Madalentxu txikiak hautatzea zailagoa da"

Miguel Beitia.

Aurten beteko dira 30 urte  Plentziako San Antolin jaietan Antolintxurena, panpina baten ordez, benetako pertsona batek egin zuenetik, eta 27 urte, jaietan Madalentxu pertsonaia gehitu zutenetik. Miguel Beitia Santovenia Antolintxu eta Madalentxu elkarteko zuzendaritza-kideak bertako ohituren berri eman digu.

Zelan aukeratzen zituzten hasiera batean Antolintxu eta Madalentxu?

Lehenengo urteetan, jai-batzordeak edo horren arduradunak hautatzen zituen. Gu, ostera, 2001ean edo 2002an hasi ginen herri-bozketa egiten.

Zelakoa da egungo sistema?

Sei postontzi ipintzen ditugu herriko leku nagusietan: kaian, Eliz plazan, zubian, Isuskitzan, Saratxagan eta Gatzaminan. Bertan jendeak hainbat izen sartzen du, eta horiek dira gure hautagaiak. Ondoren gure egoitzara deitzen ditugu zinegotziak, aurreko Antolintxu eta Madalentxu guztiak eta kirol- edo kultura-elkarteetako bi kide. Joatea boluntarioa da. Bozkatzen dugu, eta boto gutxien duen pertsona kentzen dugu, bost izen geratu arte. Ondoren, bost hautagaiakaz harremanetan ipintzen gara ea ardura hartu gura duten. Ezezkoa bada, hurrengo bozkatuenari esaten diogu.

Eta txikiakaz?

Hori zailagoa da. Hartzen ditugu postontzietako izenak, baina eskolari ere eskatzen diogu 9 eta 12 urte bitarteko umeei eskaintzeko hautagai izan daitezela. Gero, guk aukeratzen dugu.

Erlazionatuak

Zapatuan aurkeztuko dituzte Antolintxu eta Madalentxu

Plentzia

San Antolin jaiak, urtero legez, Antolintxuri eta Madalentxuri harrera eginez ofizialki abiatuko dituzte, abuztuaren 31n, eguaztena. Ostera, aurrek...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun