"Arpillao Bizirik. Kultura eta kirolik gabe herria hilda!" leloagaz bat eginda, eta euria eta hotzari aurre egiten, hainbat herritarrek parte hartu zuten atzoko manifestazioan. Plentziako Udalari irtenbide bat bilatzeko eskatzen diote, Arpillaoko eraikinaren egoera txarra dela eta beraien jarduera egun batetik bestera eten behar izan dutelako. Momentu honetan, kale gorrian daude, Udalak emango dizkien aukeren zain.
Salatzen dutenez, Udalak aspalditik bazekien eraikina hustu behar zutela, horren egoera txarra aztertzeko egin zituzten ikerketek horrela adierazten zutelako. Egoeraren berri jakin arren, Udalak azkenengo momentura arte itxaron du elkarteei lokalak utzi behar dituztela agintzeko. Hala, Arpillaoko bost elkarteek urtarrilaren 15era arte dute lokalak husteko, baina, momentuz, Udalak ez die behin betiko alernatibarik eman beraien jarduerekaz jarraitzeko.
Momentuz, urtarrilaren 12an batzartuko direla adostu dute, eta, bitartean, Arpillao Elkartekoek mobilizazioak egiten jarraituko dutela aurreratu dute.
