Abuztuaren 14an, duela ia urtebete itxita daraman Danontzat gaztetxearen aldeko kanpaldia egingo dute Plentzian, Ontziola plazan. Aldarrikapena egiteko, egun osoko egitaraua prestatu dute gazteek, "formakuntza, borroka eta aisialdia" uztartuko dituena.
Danontzat gaztetxeko kideek gogoratu dutenez, ia urtebete darama itxita gune autogestionatuak, "arrazoi edo aitzakia ezberdinak direla eta". Hala ere, azpimarratu dute itxieraren erabakia, "politikoa" izan dela.
Hori dela eta, euren haserrea kaleratzeko asmoz, "eta ideiak eta jendea gelditu ezin daitezkeela ikus dezaten", kanpaldia egingo dute abuztuaren 14an, Ontziola plazan, 10:00etatik aurrera.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
