Plentziako arraunlariek denboraldiko bigarren garaipena lortu dute aste-akabu honetan Zumaian egin den KAE 1 ligako estropadan. Plentziarrak bost segundo atera zizkion Sanpedrotarrari eta 21 Pedreñari. Aurreko aste-akabuan, Pasaiako uretan garaipena eskuratu ondoren, Arkotekoek ligako lidergoa tinkatu dute garaipen honi esker.
Arkoteko arraunlariek ezin hobeto hasi dute denboraldia, atzo, hilak 26, Zumaiako (Gipuzkoa) XXXVII. Ikurriñan urteko bigarren garaipena lortu ondoren. Plentziarren atzetik geratu ziren San Pedro sei segundotara, Pedreña 21 segundotara, eta Pedreñak itxi zuen atzoko estropadako podiuma.
Denboraldiko lehen estropadetan garaipen bana eskuratu ondoren, Arkote KAE 1 ligako lidergoan finkatu da, 24 puntugaz. Atzetik ditu Sanpedrotarra (22), Zarautz eta San Juan (17), Pedreña eta Hondarribia B (16), Castro (12), Deusto (11), Camargo (9) eta Busturialdea eta Orio B (3).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
