Hasteko, uztailaren 10 eta 11n, Plentziako eta Uribe Kostako 16. Historia Jardunaldiak egingo dituzte Plentziako Itsas Estazioan (PiE). Doakoak izango diren hitzaldi hauetan hainbat adituk beraien arloen inguruko hitzaldiak eskainiko dituzte askotariko gaien inguruan: Kantauri itsasoan ondoratutako itsasontziak, frankismoa garaia, Plentziako San Pedro kofradia edo Kakarraldo Rugby Taldea, beste askoren artean. Jardunaldietako programazio osoa albiste honen amaieran dago xehatuta.
Horren ostean, uztailaren 12an, Kantauriko Itsas Kulturaren VI. Kongresua ere egingo dute. Topaketa hau adituentzako dago zuzenduta, itsas kulturaren aspektuak adituen ikuspuntutik landuko baitituzte bertan. Hala ere, hau ere zabalik egongo da publiko orokorrarentzat.
Bestetik, Plasentia de Butron museoak Plentzia: aztarnategi arkeologia aldi baterako erakusketa ere izango du urtearen amaierara arte. Bertan, hiribilduan aurkitutako aztarna eta objektuen bitartez, hurbileko historiako hainbat pasarte azaltzen dira.
Gainera, uztailaren 31n, urtero legez, Plasentia de Butron museoa kalera aterako da eta herriko umeentzako hainbat jarduera egingo dituzte. Egun horren helburua da hiribilduko historia txikitxoengana hurbiltzea, museoa ezagutzera ematea eta ederto pasatzea.
Horren aurretik, uztaileko azken aste-akabuan, Edestiaurre Arkeologia Elkarteak historiaurreko herrixka bat birsortuko du Ontziola plazan. Jarduera honen bitartez, duela milaka urte gurean bizi izan ziren biztanleen bizimodua irudikatuko dute, nola bizi ziren, zer jaten zuten, zenbat ziren eta antzeko galderei erantzuteko xedeagaz.
Azkenik, uda osoan zehar Plentziako leku esanguratsuak eta historia hobeto ezagutzeko bisita gidatuak ere egingo dituzte.
Plentziako eta Uribe Kostako XVI. Historia Jardunaldiak, programazioa:
Uztailak 10, eguaztena
- 17:00 Pecios del Cantabrico. Altzairuzko marrazoak Cantabrico ibaian. Kaiserraren urperagarriak Lehen Mundu Gerran. Daniel Ijalba, EPC.
- 17:45 Nabigatzaileak. Plentziako ahozko historiaren transmisioa. Nerea Aldekoa, Itsas Museum.
- 18:30 Tokiko boterea Plentzian lehen frankismoan: 1937-1948. Koldo Somokueto historialaria.
- 19:15 Plentziako Mareanteen kofradiaren ordenantzen 500. urteurrena. Gonzalo Duo, Plasentia de Butron museoa.
Uztailak 11, eguena
- 17:00 Kakarraldo Rugby Taldea (euskaraz). David Crestelo, irakaslea.
- 17:45 Artekaleko neandertalak eta sapiensak Plentzian eta Zabaletxe Barrikan. Iñaki Libano , Arkeologo esperimentala. Edestiaurre Arkeologia.
- 18:30 Unibertsoaren memoria. Javier Quevedo, ikerlaria.
