Juan Luis Ibarra Bilbon hasi zen epaile, instrukzio epaitegi batean. Hortik jauzia eman zuen Bizkaiko Lurralde Auzitegira eta, ondoren, EAEko Justizia Auzitegi Nagusiaren Administrazioarekiko Auzi Aretora. Sala horren presidente bilatu zen 2003an. Aurretik Jueces para la Democracia taldea sortu zuen, elkartetik 1998an ateratzeko. Politikan, Felipe Gonzalezen gobernu sozialistan, 1993an, Justizia Ministerioaren idazkaria izan zen, Juan Alberto Belloch ministroaren aginduetara.
Juan Luis Ibarra epaile sopeloztarra bihar jabetuko da berriz ere EAEko Justizia Auzitegi Nagusiko presidente-karguaz. Ekitaldia goizeko 10:00etan izango da, EAEko Justizia Auzitegi Nagusiko ikustaldi aretoan (Bilboko Albia Lorategia plazan). 2010eko maiatzaren 10ean aukeratu zuten lehenengo aldiz eta pasa den maiatzaren 6an amaitu zitzaion agintaldia. Ordutik hona, Ibarra jarduneko presidentea izan da. Magistratua presidentetzan jarraitzeko aurkeztu zen eta berriro ere hautatu dute. Halere, ezin izango du bost urteko agintaldia berria amaitu, derrigorrez erretiroa hartu beharko baitu 2018ko ekainaren 21ean, 70 urte betetzean.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun