Gaiari buruzko bigarren prentsa-oharrean, "Sopela.net webguneko artikulu gehienak EH bilduko zinegotziek sinatzen" dituztela salatu du DBTUk; euren ustez, "gehienetan gu iraintzeko eta kalumniatzeko erabiltzen dituzte".
Sopelako Danok Bateraren oharra, osorik:
Sopela.net webgunean argitaratutako artikulu politikoak ez ditu inork sinesten, EH Bildu Sopelakoek ezean.
EH Bildu Sopela alderdiko zinegotziek Sopela.net webguneko artikulu gehienak idazten eta sinatzen dituzte, eta haien helburu bakarra euren alderdiak dituen helburu politikoen bidean jartzen den guztiari kontra egitea da, bereizi gabe. Artikulu horietako asko DBTU plataforma iraintzeko eta kalumniatzeko erabiltzen dituzte: "kasta politikoa" izendatu gaituzte eta irabaziak egiteko informazio pribilegiatua erabili genuela adierazi dute. Horren arrazoia? DBTU ez da haien nahiaren aurrean makurtu, beste batzuek egin duten bezala, eta ezarri ditugun bidea eta helburuak lortzeko bidean sendo jarraitzen dugu.
Zinegotziak direnez, egia ezagutzen dute baina, hala ere, gezurrak esaten dituzte errealitateak alderdiaren interesei aurka egiten dien bakoitzean.
DBTUk eman zuen aurreko komunikatuan, HIRUKA webgunean argitaratua, argi utzi genuen Sopelako TAOren bulegoaren auzia. Argitzeko eman genituen aalpenak edonork egiaztatu ahal ditu erraz.
DBTU ez da erakundeetaraino heldu EH Bildu Sopela alderdiarekin eztabaida hutsaletan ibiltzeko. Berango, Sopela eta Urdulizko herritarren alde lan egiteko etorri gara, eta horretarako erabiliko ditugu ahaleginak eta denbora.
Nahiago genuke EH Bildu Sopelak gauza bera egitea baina, oraindik, ematen du gezurretan eta kalumnietan ibiltzea nahiago dutela.
DBTU - Batzorde Betearazlea
