Koronabirusa Uribe Kostan

Etxez etxeko maskara-banaketa hasi da Sopelan

Atzo ailegatu ziren 20.000 maskarak Udaletxera. © SOPELAKO UDALA

Apirilaren 22an iragarri legez, herritarrentzako 20.000 maskara banatzen hasi da Sopelako Udala, postontzi denetan launa utzita. Espero dute datorren asteko astelehen edo martitzenean amaitzea banaketa.

Udal-iturriek adierazi dute "bizilagun guztientzat maskarak dohainik banatuko dituen Bizkaiko lehen udalerrietako bat" da Sopela. "Neurri horren bidez, Udalak herritarren artean birusa kutsatzeko arriskua gutxitu nahi du, batez ere datozen asteetan konfinamendu-neurriak gutxituz doazenean".

Udalak ordaindu ditu, oso-osorik, 20.000 maskarak (horiez gain, EUDELek dohaintzan emandakoak jaso ditu egunotan). Kirurgikoak dira, hiru geruzako TNTan egindakoak, eta behin erabiltzekoak. "Europar Batasuneko erakundeek onartutakoak dira eta segurtasun- eta osasun-arau guztiak betetzen dituzte", azpimarratu du Udalak.

Erlazionatuak

Ordezkatutako 300.000 maskarak banatzen amaituko du gaur EUDELek

Uribe Kosta

Apirilaren 22an jakinarazi zuen EUDELek, Euskadiko Udalen Elkarteak, egun horretan bertan 300.000 maskara banatzen hasiko zela EAEko udalerri denen...
Sopelako Udalak 20.000 maskara erosi ditu herriko postontzietan banatzeko

Sopela

Herriko postontzi bakoitzean koronabirusaz babesteko lau maskara utziko ditu Sopelako Udalak. "Merkatuan erosteko dauden zailtasunak ikusita", 20.0...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun