Sopelako Batzokian, PSEren egoitzan eta elizan egindako pintadak gaitzetsi ditu Udaleko Bozeramaileen Batzordeak

Batzokian egindako pintadak. © SOPELAKO UDALA

PSE-EEren Herriko Etxean ez ezik (herenegun argitaratu genuen bezala), Sopelako Batzokian eta San Pedro elizan ere agertu dira Patxi Ruiz presoaren gose- eta egarri-grebaren harira egindako pintada iraingarriak. Gertakari hori gaitzesten duen adierazpen bat plazaratu du Udal Bozeramaileen Batzordeak talde politikoek, EH Bilduk izan ezik. Koalizio abertzaleak bere aldetik, beste testu bat argitaratu du, pintadekiko "erabateko desadostasuna" agertuz eta Patxi Ruizen egoera ere gogora ekarriz.

Gainerako taldeek zabaldu duten adierazpenak, berriz, "erabat gaitzesten ditu San Pedroko elizak eta EAJ-PNVren eta PSE-EEren egoitzek sufritu dituzten erasoak". Talde politikoen egoitzen eta eraikin pribatuen kontrako erasoak demokrazian onargarriak ez direla gehitzen dute, "bizikidetza eta normaltasun politikoa lortzeko helburuarekin".

Mota horretako jokabideek gaur egungo gizartean lekuz kanpo daudela dio adierazpenak: "Euskal gizarteak zein sopeloztarrok bizikidetzaren alde egiten ari garen lana oztopatu baino besterik ez dute egiten".

Erlazionatuak

Pintadak agertu dira eskualdeko hainbat batzokitan eta PSE-EEren Sopelako egoitzan

Ezezagunek egindako pintadak agertu dira gaur Algortako, Berangoko eta Getxoko Andra Mari auzoko batzokietan, baita Sopelako PSE-EEren Herriko Etxe...
EH Bilduk "erabateko desadostasuna" adierazi du Sopelan agertutako pintaden aurrean

Sopela

Sopelako EH Bilduk adierazpen bat plazaratu zuen bart gauean, maiatzaren 14an herrian agertutako pintadak direla eta. Izan ere, PSE-EEren Herriko E...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun