Urriaren 9an Sopelbus garraio-zerbitzua emateko lizitazioa atera duela jakinarazi du Sopelako Udalak. Martxoaren 27a eten zen zerbitzu hori, koronabirusa zela eta indarrean zegoen alarma-egoera betean. Ordutik hona amaitu egin da haren kontratua, eta udal-gobernuak baldintza-orri berria prestatu du, datorren urtean berriro Sopelbusa martxan egoteko helburuz.
Udal-arduradunek adierazi dutenez, milioi bat euro erabiliko dute datozen lau urteetan Sopelbus martxan ipintzeko. Berrikuntzetako bat Barik txartela erabiltzeko aukera izango da. Bestalde, zerbitzua COVID-19a dela eta ezarritako osasun-arauei egokituko zaie. Esleipena lortu gura duten enpresek azaroaren 13ra arteko epea izango dute euren burua lehiaketara aurkezteko.
Udalaren webgunean ikus daiteke, xehe-xehe, zerbitzuak zer tarifa eta ibilbide izango dituen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
