Zipiriñeko familiek erabaki dute Loroñon egitea eraikin berria

Zipiriñeko gurasoak ikastetxearen arazoak salatzeko hainbat manifestazioak egin dituzte Sopelan. © HODEI TORRES

Zipiriñe ikastetxeko leku-arazoak konponduko dira Loroñon egingo den eraikin berriagaz; izan ere, gurasoen % 78a proposamen horren alde azaldu zen urtarrilean egin zuten galdeketan. Orain, Eusko Jaurlaritzak bozkatutakoa onartu eta lanen izapideak eman behar ditu erabakitakoa gauzatzeko.

Zipiriñe ikastetxeak duela hamarkada bat sufritzen dituen arazoak konpontzeko bigarren eraikin bat egitea erabaki dute gurasoek. Hala, Loroñon, ikastetxetik 300 metrora, egingo duten eraikin berrira eramango dituzte Haur eta Lehen Hezkuntzako ikasleak.

Urtarrilaren 18tik eta 22ra egin zuten prozesu parte-hartzailean ikastetxeko 390 gurasok parte hartu zuten: 249 emakumek eta 141 gizonek. Horietako 304 (% 78) eraikin berriaren alde bozkatu zuten; 78 (% 20) ikastetxea handitzea eskatu zuten; eta 8 (%2) boto zuri egon ziren. Sopelako Udalak Ibatuz enpresa kontratatu zuen prozesu hori garatzeko.

Proiektu bi

Gurasoek proiektu biren artean aukeratu behar izan zuten urtarrileko galdeketa horretan: alde batetik, EAJk eraikina handitzeko proposatu zuen, Goiena kalean patioa zabalduta, eta, bestetik, EH Bilduk planteatu zuen Lehen eta Haur Hezkuntza eraikin berri batera eramateko aukera.

Bozkatu zutenen gehiengo zabalak koalizio abertzalearen proiektua babestu zuen, eta, orain, Eusko Jaurlaritzaren Hezkuntza Sailari dagokio azken erabakia onartzea. Izan ere, Jaurlaritzak oraindino ez ditu Zipiriñeren beharrak 2019/2023ko Hezkuntza Azpiegituren Planean txertatu.

 

 

Erlazionatuak

Bi aukera Zipiriñeren arazoari aurre egiteko

Sopela

Iaz gurasoen pazientzia bukatu zen, eta 2020an zehar mobilizazioak egin zituzten. Beraien iritziz, zentroaren leku-arazoa hain da larria irakaskunt...
"Zipiriñeko familiei pazientzia agortu zaigu"

Sopela

Zipiriñe ikastetxeko gurasoen elkarteak mobilizazioak egingo ditu datozen  egunotan, orain dela ia hamarkada bat hasitako leku-arazoeng...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun