Zapatuetan Jauregizar plazan merkatua egiteko proposamena egin du Sopelako Udalak

Zapatu goizetan Jauregizar plazan jarri gura dute azoka. © SOPELAKO UDALA

Jauregizar plazan norberak ekoitzitako elikagaiak eta produktuak saltzeko postuen lizentziak eskuragarri jarri ditu Sopelako Udalak. Asmoa da zapatuetan, goizero, hornidura-azoka bat egitea herritarrek bertako produktuak eskuratu ditzaten.

Jauregizar plazan merkatua osatzeko asmoagaz, Sopelako Udalak lizentziak eskatzeko prozesua ireki du, bertan kokatuko dituzten zortzi postuetako bat eskatzeko. Horren bitartez, zapatu goizetan, 09:00etatik 14:00etara, bertan ekoiztutako barazkiak, frutak eta bestelako produktuak saltzeko azoka jarri gura dute; ekoizleek 06:30ean bertaratu ahalko dira beren produktuak jartzeko.

Baldintzei dagokienez, udal-iturriek zehaztu dute eskatzaileek udalerriko kaleko salmenta arautzen duen ordenantzaren 14. artikuluan ezarritako baldintzak bete beharko dituztela. Bestalde, kontsumora bideratutako elikagaien ekoizleak Elikagai Enpresen eta Elikagaien Osasun Erregistro Orokorrean (RGSEAA) inskribatuta egon beharko dira.

Lehen mailako ekoizpenetik zuzenean datozen eta hasierako izaeran funtsezko aldaketarik izan ez duten nekazaritzako elikagaien kasuan (elaborazioa, eraldaketa, ontziratzea, biltegiratzea eta banaketa), elikagai motaren arabera, ekoizleak Abeltzaintza Ustiategien Erregistro Orokorrean (REGA) inskribatuta egon beharko dira, animalia-jatorriko produktu jakin batzuk direnean; aldiz, landare-jatorriko produktuak direnean, Nekazaritza Ekoizpenaren Erregistro Orokorrean (REGA) izena emanda egon beharko dira.

Eskaerak egiteko informazio guztia eta araudia lotura honetan deskargatu daiteke.

Erlazionatuak

Bendeja arautuko duen ordenantza indarrean egon arte ekoizleek "behin-behinean jardun ahal izateko" bidea bilatuko du Sopelako Udalak

Sopela

Kalean bendeja egitea eragozteagatik hainbat herritarrek kexak aurkeztu dituzte Sopelako Udaletxean. Josu Landaluze alkateak, HIRUKAk gai horren ga...
Sopelan bendeja debekatzeaz kexatu dira hainbat herritar

Sopela

Sopelako udal-gobernuak agindua eman du herrian bendeja ez baimentzeko, sopela.net agerkariak argitaratu duenez. Iturri beraren arabera, salmenta-m...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun