Irailaren 25ean, zesta-puntako Espainiako Txapelketa Absolutua taldeka laugarren aldiz irabazi eta gero, sopeloztarra Biarritzen lehiatuko den Munduko Pilota Txapelketan arituko da hilaren bukaeran.
Arakistainek Maialen Aldazabal izan du orain arte bikotekide, baina Mundialeko partidetan Araia Lejardi Europako txapelduna izango du ondoan; gainera, bikotearen partidak irekiko du Mundiala. Gogoratu beharra dago Arakistain eta Aldazabal txapeldunorde geratu zirela iazko emakumezkoen 23 urtez azpikoen zesta-puntako Mundialean.
Horrez gain, Berriatuako zesta punta taldean dabilen 16 urteko sopeloztarra Bizkaiko eta Euskadiko txapelketetan eta Espainiako Kopan dabil jokatzen gaur egun.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
