Apirilaren 12an, pasa den barikuan, Zipiriñeko Guraso Elkarteak elkarretaratzea egin zuen Hezkuntza Saileko "axolagabekeria" salatzeko. Hala, ehun herritar inguru batu ziren Sopelako udaletxe aurrean zarata egiteko objektuakaz batera, eta eskatu zuten Zipiriñe eta Iberre hezkuntza zentroen handitzeari lehenbailehen ekiteko.
15 egun pasa dira Sopelako Udaleko eta hezkuntza-komunitateko ordezkariak Eusko Jaurlaritzako Hezkuntza Saileko arduradun nagusiakaz bildu zirenetik. Hezkuntza Sailak apirilaren 29an beste bilera bat proposatu zien, Eusko Legebiltzarrerako hauteskundeen ondoren, hain zuzen. Hala, Eusko Jaurlaritzako Hezkuntza Sailaren jokabidea kritikatu du Zipiriñeko Ikasleen Guraso Elkarteak: "Dagoeneko badituzte baliabideak, lurra, dirua; falta dena da borondatea eta zintzotasuna gu engainatzeari uzteko".
© ZIPIRIÑEKO GURASO ELKARTEA
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
