HIRUKA Jardunaldiak

Berbaldia: "Elikagaien salmenta zuzena: Nori erosi behar diogu jatekoa?"

Erabiltzailearen aurpegia Hiruka 2018ko urriaren 16a

Apurka bada ere, gero eta jende gehiagok jotzen du hurbilekora elikagaiak erosteko orduan, saltoki handien eskaintzari muzin eginda. Salmenta zuzenaz berba egingo dugu, hain zuzen, datorren eguenean, tokiko hainbat ekoizle txiki batuta mahaiaren inguruan. Urdulizko Etxeandia garagardotegian izango da hitzordua. 

HIRUKAren jardunaldien bigarren saioak jaten eta edaten duguna izango du berbabide. "Nori erosi behar diogu jatekoa?" goiburupean, elikagaien salmentako hurbileko zirkuituez jardungo dugu, inguruko lau gonbidaturen laguntzaz. Salmenta zuzenak dauzkan abantailak eta zailtasunak jorratuko dituzte, besteak beste, Urdulizko Etxeandia garagardotegian (Igeltzera poligonoa, 12), eguenean, hilak 18, arrastiko 19:00etatik aurrera.

Gonbidatuak:

  • Jon Etxeandia, garagardogilea, Urduliz
  • Gabi Basañez, baserritarra, Sopela
  • Jabi Peña, baserritarra, Barrika
  • Haizea Bengoetxea, marmelada-ekoizlea, Arrieta
  • Moderatzailea: Unai Brea, HIRUKAko kazetaria

 

Jendartea Urduliz
Erlazionatuak
HIRUKA jardunaldiak: zer asmo daukazu datozen eguenetarako?
HIRUKA jardunaldiak: zer asmo daukazu datozen eguenetarako?

Erabiltzailearen aurpegia Hiruka 2018 urr 15 Uribe Kosta

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun