Koronabirusa Uribe Kostan
Egoeraz gogaituta daudela erakutsi dute gaur Bizkaiko Osakidetzako langileek
2020-11-12 13:52
ATSE, ELA, SME, LAB, CCOO, UGT, ESK, SAE, UTESE sindikatuek deituta, Bizkaiko Osakidetzako langileak protestak eta greba egiten ari dira gaur. Eguerdiko 11:00etan kontzentrazioak egin dituzte lurraldeko zentro guztietan, hala nola Urdulizko ospitalean. Bertan batu dira 60 osasun-langiletik gora eta, sindikatuek diotenez, jarraipena "bereziki garrantzitsua" izaten ari da lehen mailako arretan. Urdulizen Koldo Villar eta Jesica Gondra ELA eta LAB sindikatuetako delegatuakaz egin dugu berba, hurrenez hurren. Deitoratu dutenez, azken egunotan langileen gabezia nabaria da Osakidetzan, baita babes-neurrietarako baliabideena ere. Argi utzi dute ez dela beharrezkoa dirua, "jendea baizik".
Erlazionatuak
Kalitatezko osasungintza publikoaren aldeko mobilizazioak egin dituzte Uribe Kostan
2020 aza 12 Uribe Kosta
Lehen arretarako baliabide gehiago, osasungintzan inbertsio gehiago eta murrizketa eta pribatizaziorik ez egitea aldarrikatzeko elkarretaratzeak eg...
Gorlizko ospitalean koronabirusaren aurkako babes-neurririk hartu ez izana salatu du LABek
2020 aza 11 Gorliz
"Duela aste batzuk egoeraren berri eman arren", Gorlizko erietxean COVIDaz kutsatzea eragozteko behar bezalako neurririk hartu ez dela adierazi du ...
Irakurle agurgarria:
Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.
Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.
Izan zaitez HIRUKAlagun