Fracking-aren kontrako konpromiso-batzea abiatu dute eskualdean

Alderdi politikoei dei berezia egin diete Euskal Herriko fracking-aren kontrako taldeek, alderdiek haustura hidraulikoaren inguruan euren iritzia argi dezaten. Teknika horren kontrako Uribe Kostako taldeek alderdiz alderdi biltzen hasi dira politikarien jarrera argitzeko. Sopelako taldeak, halaber, elkarte eta herriko dendariei konpromisoa eskatu diete: “Daborduko Sopela ‘fracking gabeko udalerria’ izendatu da, baina hori ez da nahikoa. Teknika honen gaitzespen soziala erakutsi behar dugu”. Informazio-kanpaina egin ostean, orain alderdi politikoen txanda da: “Gure hurrengo helburua haien konpromisoa lortzea da, alde edo kontrako iritzia erakustea”.