Ohi legez, txupinagaz abiaraziko ditu festak 19:30ean. Ondoren, txorizo-jana eta mus-txapelketa egongo dira; eta Xaibor igoko da oholtzara, iluntzean. Zapatuan eta domekan, tripa betetzeko zein dantzan jarduteko aukera gehiago izango dituzte bertokoek zein Lutxanara hurbiltzen direnek.
Uribe Kosta jaietan 2016
Urdulizen eta Lutxanan dira jaiak aste-akabuan
Irailaren 7an bota zuten txupina udaletxeko balkoitik Urdulizko Andra Mari jaiei hasiera emateko; joan den domekara arte, auzokideek zein parrandazaleek hamaika aukera izan zuten egunak modu ezin hobean igarotzeko. Urtero legez, elizaren ondoko landan egon da jai-eremua eta txosnagunea, festen lehenengo aste-akabuan, kontzertuetarako oholtzagaz batera. Ostera, bigarren asteburuan, hilaren 16tik 18ra, txosnagunea eta festen agerlekua Elortza auzora eroango dituzte. Hantxe egingo dituzte, besteak beste, Skate Xpression ekitaldia, bertso-desafioa, herri-martxa, herri-bazkaria, kick-boxing emanaldia eta mozorro-gaua. Bestalde, bariku honetan hasi eta domekara arte, Lutxanako auzo erandioztarrean ere jaiak izango dira.
Erlazionatuak
Urdulizko Andra Mari jaiak, ate joka
2016 abu 31 Urduliz
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun