Kultura  Uribe Kosta 2018-02-09 12:42

Prest daukazu mozorroa?

Bariku honetatik aurrera, mozorroz eta kolorez beteko dira Uribe Kostako udalerrietako kaleak, Inauteriak tarteko. Eskola-umeak izango dira goiztiarrenak euren jantziak erakusten; ohi den legez, bihar goizean egingo dituzte tokian tokiko desfileak.

Prest daukazu mozorroa?
Inauteriak Gorlizen, artxiboko irudian. | Ikusi handiago | Argazki originala

Aste-akabuan, ostera, herri elkarteek zein Udalek antolatutako jarduerek beteko dituzte Altzaga, Astrabudua, Barrika, Berango, Erandiogoikoa, Gorliz, Itzubaltzeta/Romo, Leioa, Plentzia-Gorliz eta Sopela. Aste-akabu osoan (Barrikan eta Berangon bi aste-akabutan) izango dira mozorro-lehiaketak, musika-kalejirak, txokolatadak eta ikuskizunak. Bitartean, Leioan martitzenean ere egongo dira jarduerak.

Aurtengo berrikuntzen artean, Trabudu Dantzari Taldeak "Dantzxori gure aratusteak" ikuskizuna eskainiko du, bariku honetan, otsailaren 9an, Astrabuduko Mendiguren plazan; 150 lagun inguruk parte hartuko dute. Bestalde, Inauterietako maskarak sortuko dituzte bihar, Leioan, Barikuetan Jai egitasmoaren barruan. Material ezberdinak (lumak, goma eva, zeta papera, beira-ale…) erabiliz, maskara originalak eta pertsonalizatuak egingo dituzte txikiek. Arrastiko 17:30ean izango da jarduera, Kultur Leioako 5. solairuan.

Algortako bazkarirako txartelak

Otsailaren 16ra iritsita, Algortara zabalduko dira ospakizunak. Hain zuzen ere, otsailaren 17an herri-bazkaria egingo du jai-batzodeak, 15:00etan, San Nikolas plazan: makarroiak txorizoagaz eta tomateagaz, oilasko paparra piper gorriakaz eta entsaladagaz, eta inauterietako tostadak gozatzeko aukera egongo da. Txartelak 8 euroan salgai egongo dira, Salem zein Baster tabernetan eta Kantxa Kirol Moda dendan.

Metro-zerbitzua indartuko dute

Otsailaren 10ean eta 17an zerbitzu bereziak ipiniko ditu Metro Bilbao garraio-enpresak. Zapatu honetan, ohi baino tren gehiago ibiliko da, 23:00etatik biharamuneko 06:00etara: 20 minututik behin Plentzia eta San Inazio artean zein Kabiezes eta San Inazio artean; eta 10 minututik behin Etxebarri eta San Inazio artean.

Hurrengo zapatuan, otsailaren 17an, maizago ibiliko dira trenak, 15 minututik behin Bidezabalera.

Aste-akabu honetako ospakizunak:

Altzaga

Otsailak 10, zapatua

  • 11:00-14:00 / 16:00-18:00 Umeentzako jolasak, azoka zaharrean.
  • 13:00 Madrid Hot Jazz Band taldearen kalejira, Irailaren 23a plazatik abiatuta.
  • 17:00-19:30 Umeen mozorro-lehiaketa eta DJa, azoka zaharrean.
  • 19:30-20:00 Txokolate-edana, udaletxeko arkupeetan.
  • 19:30-21:30 Nagusien mozorro-lehiaketa eta DJa, azoka zaharrean.
  • 21:30 Bokale Brass Band taldearen kalejira, Irailaren 23a plazatik abiatuta.

Astrabudua

Otsailak 9, barikua

  • 19:00 Kalejira, Trabudu Dantzari Taldeagaz, Josu Murueta plazatik, Mendiguren plazara.
  • 20:00 "Dantzxori gure aratusteak" ikuskizuna, Mendiguren plazan.

Otsailak 10, zapatua

  • 11:00-14:00 / 16:00-18:00 Umeentzako jolasak, Mendiguren plazan.
  • 13:00 Bokale Brass Band taldearen kalejira, Josu Murueta plazatik abiatuta.
  • 17:00-19:30 Umeen mozorro-lehiaketa eta DJa, Mendiguren plazan.
  • 19:30 Txokolate-edana, Mendigurenen.
  • 19:30-21:30 Mozorro-lehiaketa, Mendiguren plazan. Oinarriak: erandio.eus
  • 21:30 Madrid Hot Jazz Band taldearen kalejira, Josu Murueta plazatik abiatuta.

Barrika

Otsailak 12, astelehena

  • 18:00 Tostada-lehiaketa, udaletxean. Informazio gehiago: barrika.eu

Berango

Otsailak 10, zapatua

  • 18:00 Kalejira Berangoetatik frontoira.
  • 18:30 Txokolate-edana, pilotalekuan.
  • 19:00 Disko-festa, pilotalekuan.
    Gaia: tribuak.

Erandiogoikoa

Otsailak 11, domeka

  • 11:00-14:00 / 16:00-18:00 Umeentzako jolasak, Euskadi plazan.
  • 19:00 Lantzeko inauteriak, Goi Alde Dantza Taldeagaz, Euskadi plazan.
  • 20:00 Txokolate-edana, Euskadi plazan.
  • 20:00 Mozorro-lehiaketan izena ematea.
  • 20:30 Mozorro-lehiaketa, Euskadi plazan.

Gorliz

Otsailak 10, zapatua

  • 17:30 Inauterietako makillaje-tailerra, udal-pilotalekuan. 
  • 19:30 Disko-festa, Kaktus DJagaz, udal-pilotalekuan.

Otsailak 11, domeka

  • 13:00 Inauterietako Tostaden X. Txapelketa, Ibarreta plazan.

Itzubaltzeta/Romo

Otsailak 10, zapatua

  • 12:00-14:30 Umeentzako jolasak, Santa Eugenia kaleko parkingean.
  • 12:00-15:00 Fanfarrea, herrian zehar.
  • 13:30-15:00 Umeen mozorro-lehiaketa, Santa Eugenia kaleko parkingean.
  • 18:00 Txokolate-edana, Cervantes plazan.
  • 18:30-20:00 Kalejira eta mozorroen desfilea, herrian zehar.
  • 20:00-21:00 Umeentzako erromeria, Santa Eugenia kaleko parkingean.
  • 22:00-02:00 Erromeria Urrats taldeagaz, Santa Eugenia kaleko parkingean.

Leioa

Otsailak 10, zapatua

  • 17:00 Umeentzako eta gazteentzako puzgarriak, Ikea Barri plazan.
  • 18:30 "Tras la escoba" umeentzako ikuskizuna, Barré antzerki-taldeagaz, Ikea Barri plazan.
  • 21:30 Mozorroen jaia, Ikea Barrin.
  • 23:00-03:00 Erromeria, Batek daki taldeagaz, Ikea Barrin.

Otsailak 13, martitzena

  • 11:00 Umeentzako parkea, Kandelazubieta kiroldegian.
  • 12:30 Umeentzako ikuskizuna, Kiki, Koko eta Moko pailazoakaz, Kandelazubietan.
  • 17:00 Umeentzako animazioa.
  • 18:00 Umeen mozorro-lehiaketako parte-hartzaileen desfilea, Kandelazubieta kiroldegian.
  • 19:00 Sari-banaketa, Kandelazubietan.

Plentzia-Gorliz

Otsailak 9, barikua

  • 18:30 Euskal Inauteriak Aratz Dantza Taldeagaz eta txokolate-edana, Ibarreta plazan.  

Sopela

Otsailak 10, zapatua

  • 14:30 Herri-bazkaria, Ander Deuna ikastolan. Horretan, parte hartzeko txartelak Laiak tabernan eta Ugari supermekatuan eros daitezke; bazkarira joateko autobusa 14:00etan irtengo da elizatik.
  • 17:30 Mozorroen desfilea: musika aurretiaz bidali behar dute lagun-taldeek, sopekoor@gmail.com helbide elektronikora.
  • 19:00 Autobusez herri-gunera jaitsiko dira eta 19:30etatik aurrera, elizan hasita, poteo musikatua egongo da.

Otsailak 11, domeka

  • 18:00 Mozorro-lehiaketa eta inauteri-festa, Urko kiroldegian.

Datorren aste-akabuan:

Barrika

Otsailak 17, zapatua

  • 18:00-21:00 Mozorro-lehiaketa, nagusien etxean.

Berango

Otsailak 18, domeka

Luzaideko inauteria eta zanpantzarrak, Simon Otxandategi Dantza Taldeagaz.

  • 11:00 Axgane.
  • 11:45 Lantzarte.
  • 12:15 Karabigane.
  • 12:45 Landaida.
  • 13:30 Sabino Arana.

Algorta

2018/02/09 - 2018/02/13

Uribe Kosta

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa