Joan den domekan, Plentziako eta Gorlizko ehun auzokidek baino gehiagok deitu zuen zapatu honetan, hilaren 14an, Iruñeako Golem zinematik aterako den manifestaziora joateko. Bertan ez ezik, Nafarroako hiriburura joateko asmoa agertu dute Algortan, Erandion eta Itzubaltzeta/Romon, gutxienez. Herri horietan autobusak antolatzen dabiltza. Hala, martxara joateko asmoa duenak honako lekuetatik pasa daiteke:
- Algortako Hator taberna.
- Altzagako La Plaza taberna (bihar arte, eguaztenera arte).
- Astrabuduko Primera Linea taberna (bihar arte, eguaztenera arte).
- Itzubaltzetako Etxe Merkea.
- Itzubaltzetako Branka herriko-taberna.
Datorren astelehenean, apirilaren 16an, aipatutako Altsasuko zortzi gazteen aurkako epaiketa hasiko da Espainiako Auzitegi Nazionalean; Fiskaltzak 375 urteko espetxe-zigorra eskatzen du horientzat: 62 urte eta erdi batentzat, 50 urte seirentzat eta 12 urte eta erdi azkenengoarentzat.
Autobusen kartelak
