Domeka honetako Kanpomartxo oso berezia izango da. Izan ere, 25. urteurrena ospatzeaz eta Akarlandan lehenengo aldiz egiteaz gainera, Marian de la Fuente Pampliega euskaltzale erandioztarrari agurra emateko momentua izango da. Berbotsek deituta, goizeko 10:00etan egingo zaio agur-ekitaldia elkarteko kide eta arima zenari, festa-giroan.
Bertaratzeko, autobusa ipiniko dute. Joan den zapatuan zendu zen, 49 urte zeuzkala, Altzagako bere etxean, gaixotasun larri baten ondorioz. Marian de la Fuentek urte mordoa eman zuen euskalgintzan beharrean, AEKn, Berbotsen, HIRUKAn... Gainera, kulturgintzan eta eskubide zibil eta politikoak defendatzen ekarpena ere egin zuen, ohiko izaera alai, abegikor eta eskuzabalez. Agur eta ohore. Eskerrik asko denagatik!
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
