Bihar, eguaztena, Espainiako Vueltaren 17. etapa Getxotik abiatuko da eta Oiz mendian izango du helmuga. Hori dela eta, Gure Esku Dagok etapa horretako ibilbidean "erabakitzeko eskubidearen aldeko aldarria" lau haizetara zabaltzeko deia egin du, "era baketsu eta alaian".
Hala, erabakitze-eskubidearen aldeko eragileak "Libertad es decidir, etorkizuna gure esku dago" goiburua erabiliko du biharko etapan, eta modu berean jokatzeko eskatu die bihar errepide bazterretan batuko diren milaka euskal herritarri.
Gure Esku Dagok gogorarazi duenez, aurtengo Frantziako Tourraren azken aurreko etapa Lapurditik igaro zen; bertan, milaka euskal herritarrek "errepideetan eta mosaiko ikusgarri baten bidez", munduari adierazi zioten, "Euskal Herria bizirik dagoela, eta herri gisa aurrera egin gura dugula".
Joan den domekan biharko etaparen ibilbidea bete zuen Gure Esku Dagok antolatutako martxa zikloturista batek. Oizko San Kristobal ermita ondoan ekitaldia egin zuten.
Oiz mendiko ekimenaren gaineko bideoa (ccbysa Hamaika Telebista)
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
