11-13 sumarioko auzipetuek eta euren abokatuek daborduko “buru-belarri” lanari ekin diotela adierazi dute komunikatu baten bitartez. Epaiketa “kezkaz baina ilusioz” espero dutela azaldu dute: “Indarrez beteta gaude gure aurkako ekinbide judizial, mediatiko eta politikoari aurre egiteko”.
Horrez gainera, epaiketak suposatuko duen “galera ekonomiko ikaragarria” arintzeko moduak aztertzen dabiltzala esan dute. Epaiketaren “bidegabekeria ikaragarria” salatu eta mobilizatzera ere deitu dute.
Sanchezen aldeko elkarretaratzea
Oskar Sanchezi babesa adieraziko diote bihar, hilak 10, Itzubaltzeta/Romon. Kontzentrazioa egingo dute Romo Kultur Etxean, 19:30ean. Fiskaltzak 13 urte eta erdiko espetxe-zigorra eskatu du getxoztarrarentzat.
