Getxoko Tosu landaren hustuketaren ondoren, eskualdeko hirigintza-eredu "inklusibo, parte-hartzaile, irisgarri" baten alde lan egiteko kolektiboa jarri dute martxan Uribe Kostako hainbat gizon-emakumek: GuNe. Besteak beste, eskualdeko ondarea eta lurra defendatu gura dute, baita "kondenatu gaituzten porlanezko kartzela honetatik" atera ere.
Sortu berri den GuNe kolektiboaren arabera, Uribe Kosta politikarien eta enpresa-eraikitzaileen arteko Monopoly partida pribatua bihurtu da: "Nekatuta gaude egoera onartezin honetaz, zeinetan bakarrik gutxi batzuen interesetan, eta haien poltsikoetan, hartzen diren erabakiak".
Salatu dutenez, agintariek bakarrik dute "fitxa mugitzeko pribilegioa, inolako kalterik jaso barik. Guri, herritarroi, aldiz, kalte handiak dakarkigu espekulazio basati horrek". Diotenez, eredu horrek herriko komunitatea eta sarea "apurtu" eta "indibidualismora" bultzatzen dute. Hori dela eta, horri denari aurre egiteko sortu dute kolektiboa, Bilbo Metropolitarraren eta, batez ere, Uribe Kostan garatzen ari den hirigintza-ereduari aurre egitea "posiblea" delakoan.
Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.
Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.
Izan zaitez HIRUKAlagun
![[Bideoa] Tosu landako kanpalekuaren hustuketa](https://hiruka.tok-md.com/argazkiak/pvD/cache/DMVrooRWsAAf6og.jpg_large_tokikom_735x413.jpg)