Bizkaiko lehenengo artzain-laborariak, berbabide

Iñaki Libanok (argazkian, kamiseta urdinez) emango ditu azalpenak astelehenean.

Duela 6.000 urte inguru, Neolito eta Kalkolito garaian, gizon-emakumeek Uribe Kostan utzitako aztarnak ezagutarazteko berbaldia egingo dute irailaren 9an, astelehenean, Romo Kultur Etxean, 19:00etatik aurrera, Barrikako II. Historiaurreko Jardunaldien barruan.

Aurten ere, Edestiaurre Arkeologia Elkarteak Barrikako Historiaurreko Jardunaldiak antolatu ditu. Hala, 2019an zehar lau ekimen izango dituzte jardunaldiok, eta hurrengo saioa Getxon izango da, Romo Kultur Etxean, hain zuzen ere.

Antolatzaileek iragarri dutenaren arabera, aurtengo saioa historiaurreko garai ezezagun baina "liluragarrian" oinarritu dute: Neolitoa eta Kalkolitoa. Gogoratu dutenez, duela 6.000 urte Uribe Kosta leku "oso garrantzitsua" izan zen, eta garaiko gizon-emakumeek utzitakoak gaur egunera arte heldu dira, inguruotan aurkitu diren aztarnategien bitartez. Horiek Uribe Kosta osoan aurkitu dira, baina oraingoan Barrikakoetan eta duela gutxi Getxon aurkitutakoan oinarrituko dute berbaldia.

Hala, aztarnategi horietan azken urteotan aurkitutako lanabesak erakutsi, azaldu eta aztarnategien inguruko informazioa helaraziko diete bertaratuko diren lagunei. Aizkorak, geziak, eskuzko errotak, kobrezko piezak, zeramikak... askotariko elementuak ikusi ahal izango dira Romo Kultur Etxean, den-denak arkeologia esperimentalaren bitartez egindakoak.

Berbaldia Iñaki Libano historiazale eta historiaurrean adituak eskainiko du.

Erlazionatuak

Neandertalen ibilia, Barrikako Aranbaltza aztarnategian barrena

Barrika

Azkenengo neandertalen bizitza eta ibilbidea ezagutzeko egundoko aukera dago Uribe Kosta eskualdean, berton aurkitutako aztarnak ugariak dira eta.
Neandertalen garaiko egurrezko erreminta bat aurkitu dute Barrikan

Barrika

Duela 90.000 urte neandertalek hagin-egurrez egindako erreminta bat aurkitu du nazioarteko arkeologia-talde batek Barrikako Aranbaltza aztarnategia...
Historiaurrea berdinzaleagoa zen

Uribe Kosta

Paleolitoan ez zegoen lan-banaketa berezirik gizonen eta emakumeen artean. Azken horiek umeen zaintzaz arduratzen ziren arren, ehizan ere parte har...