Sanchezi eta beste 46 auzipetuei babesa adierazteko manifestazioa egin dute

Manifestazio jendetsua egin zuten barikuan Itzubaltzeta/Romoko kaleetan.

Datorren astelehenean, hilaren 16an, 11/13 auzian epaituko dituzten Oscar Sanchez itzubaltzetarrari eta beste 46 auzipetuei babesa eta elkartasuna adierazteko manifestazio jendetsua egin zuten Itzubaltzeta/Romon joan den barikuan, hilaren 6an.

"ETAren espetxe frontea" osatzea leporatuta, 47 euskal herritar epaituko dituzte Espainiako Auzitegi Nazionalean irailaren 16an, Oscar Sanchez abokatu itzubaltzetarra barne. Hori salatzeko eta azken horri elkartasuna adierazteko, aste-akabu berezia antolatu zuten joan den bariku eta zapaturako Itzubaltzeta/Romon.

Hala, Uribe Kostatik etorritako ehunaka pertsona batu zen barikuan Itzubaltzeta/Romon, datorren astean epaituko dituzten denei babesa adierazteko. Mobilizazio horren ondoren beste hamaika ekitaldi egiteko egitaraua osatua zuen Oscar Herrian plataformak; hala ere, Getxoko Udalak horietako hainbat bertan behera uztea agindu zien Getxo Folk jaialdia zela eta. Hortaz, hainbat jarduera ezin izan ziren egin, eta beste hainbat lekuz aldatu behar izan zituzten.

* Irailaren 13an kaleratuko dugun 150. HIRUKAn Oscar Sanchezi egindako elkarrizketa sakona irakurri ahal izango duzue.

Erlazionatuak

Oscar Sanchez: "Erakunde terroristako kide izatearen akusazioa kafkianoa iruditzen zaigu"

Getxo

"ETAren espetxe frontea" osatzea leporatuta, 47 euskal herritar epaituko dituzte Espainiako Auzitegi Nazionalean irailaren 16an, Oscar Sanchez abok...
Elkartasun aste-akabua egingo dute Itzubaltzeta/Romon

Getxo

"ETAren espetxe frontea" osatzea leporatuta, 47 euskal herritar epaituko dituzte Espainiako Auzitegi Nazionalean irailaren 16an, Oscar Sanchez abok...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun