Emakume Langileen Nazioarteko Eguna 2020

Emakume patinatzaileentzako jardunaldia egingo dute zapatu honetan

Argazkia: GABRIELA IMBERT

Roll it Girl taldeak Basque Woman Sliding jardunaldia egingo du martxoaren 7an, Sopelan eta Berangon. Arrastian hitzaldia eta filma izango dira eta gauean Girls Skate Nights ekimena egingo dute lehenengo aldiz.

Sopelako, Kurtzio Kultur Etxean, emango diote hasiera jardunaldiari. Lehenik eta behin, 17:30ean, Leire Garmendiaren “Glassy” - A basque woman surf film proiektatuko dute. Film horrek emakumeen kirolaren egoera aztertzen du euskal surfean oinarrituz. Horren ondoren, surfean eta skatean izandako bizipenaz hitzaldi bat eskainiko dute June Erostarbek eta Ainara Aymatek.

Azkenik, 20:30ean, Berangoko UK Skatepark patinaje-gunean, Girls Skate Nights ekimenari lehen aldiz egingo dute. Parte-hartzaileek aukera izango dute gura duten ordura arte patinatzeko, musika onak lagunduta, eta denek batera afalduko dute dohainik. UK Skateparkek skateak eta babesgailuak lagako dizkie behar duten guztiei.

Zer da Roll it Girl?

Patinajean, surfean, skatean eta antzeko kiroletan dabiltzan emakumeen taldea da Roll it Girl, 2018an sortua. Jarduera horiek inguru babestu batean egiteko eta emakumeak eroso sentiarazteko helburuagaz ipini zuten martxan.

Erlazionatuak

Emakumeentzako goranzko maldak, skateparkeetan baino ez

Uribe Kosta

Patinajea eta, orokorrean, arrisku-kirolak praktikatzen dituzten emakumeei ikusgarritasuna emateko helburuagaz, Roll it Girl izeneko proiektua sort...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun