Koronabirusak eragindako larrialdi-egoeraren aurrean hainbat neurri iragarri ditu Uribe Kostako Mankomunitateak. Zehazki, zerbitzu batzuk behin-behinean eta besterik esan arte etenda geratuko direla iragarri dute. Hartutako erabakien artean daude bazterketa-egoeran daudenentzako gaueko harrera-zerbitzuan pertsona berririk ez onartzea, eta zaintzaleei talde-arreta emateko Zainduz eta Atseden programak etetea.
Aipatutako horiez gain, Ekoguneko ikastaroak, Lilagune programaren jarduerak, Guraso Eskolaren jarduera eta Nerabeengana Hurbilduz, ikastetxeakaz elkarlanean jarduteko programa ere, bertan behar geratu dira, egoera normaldu arte behintzat.
Mankomunitateak eskaintzen dituen gainerako zerbitzuak mantendu egingo dira, baina ahal den neurrian kudeaketak telematikoki egiteko eskatu diete herritarrei. Telefonoak honakoak dira:
- 94 676 26 74
- 94 676 37 83
Honenbestez, funtzionatzen jarraituko dute kontsumitzaileen arretarako bulegoek, ingurumen-zerbitzuak, berdintasunekoak, euskarazkoak eta gizarte-zerbitzuek. Zelangura, datozen orduetan eta egunetan neurri gehiago har litezkeela iragarri dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
