Baditugu film labur lehiaketaren lehenengo irabazleak!

Eguerdi on, zinema onaren maitaleok... Gure film labur lehiaketaren bigarren astea hasi berri dugun honetan, emandako hitza bete eta lehenengo asteko irabazleen izenak ematera gatozkizue. Ondo etorri gure alfonbra gorrira (zapatak lohi dituzuenok gera zaitezte etxean, mesedez).

Lehiaketaren lehen txandarako maila handiko zortzi lan ailegatu zitzaizkigun erredakziora, eta benetan gozatu dugu! Sariei dagokienez, HIRUKAren epaimahaiak aho batez onartu du (izan ere pertsona bakarra agertu zen bilerara) film onena Herriwatch izan zela. Hara non ikustaldi gehien lortu duena ere izan den (abusoiak...), eta honenbestez sari hori sailkapeneko bigarrenari ematea erabaki dugu: Berriz. Zorionak bien egileei, eta eskerrik asko gainerakoei! 

A, saria zein den? Galdera ona. Ezohiko egoera honetan, erabaki gogorra eta ulertzeko zaila hartu dugu, politikari arduratsuek legez: momentuz sekretua izango da, eta konfinamenduak eta halakoak amaitutakoan jakinaraziko dugu. Baina lasai, sariak egon, egongo dira.    

Eta orain, goza egizue zazpigarren arteaz. Herriwatch artikulu honen goiko aldean klik eginda ikus dezakezue ostera ere, eta Berriz, berriz, lerro hauen azpian. Datorren astean sari gehiago! Tira, gehiago edo...

Erlazionatuak

Film laburren lehiaketa mundiala: bigarren txanpa inauguratu dugu!

Uribe Kosta

Zorionak, Uribe Kostako (eta atzerriko) zinegileok! Joan den astean bolo-bolo ibili zen Euskal Herrian gure film labur lehiaketa, eta zuena da meri...
Aspertuta? Egin bideoa etxean eta irabazi sari ederrak!

Uribe Kosta

Bai, badakigu, ez duzu egun osoa kirolean emango, hori ere ez da ona. Horregatik, beste proposamen bat dakarkizugu: etxean grabatutako film laburre...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun