Koronabirusa Uribe Kostan

Hemen aurki gaitzakezu! Gerturatu eta eskuratu HIRUKA 159 zenbakia!

COVID-19 pandemiaren ondoriozko alarma-egoera ezarri zenean, adierazi genuen interneten besterik ez genuela jardungo egora horrek iraun bitartean. Apirilean ez genuen hilabetekaririk kaleratu, eta maiatzekoa, 158. zenbakia, edizio digital hutsean eman genuen. Orain, banaketa segurtasunez egiteko moduan gaudela iritzita, paperezko edizioa kaleratu dugu berriro. Hala, 159. zenbakia eskualdean banatzen hasi gara daborduko; zure alea eskuratu gura duzu? Sartu eta begiratu non aurki dezakezun!

Egoera ez da guztiz normaldu ordea, edo hobeto esanda bestelako normaltasun batean biziko gara denboraldi luze batean behintzat. Horrenbestez, ez dugu ohiko banaketa egiterik; esate baterako, galarazita dago tabernetan jende askok erabil dituzten gaiak egotea. Ondorioz, taberna gutxitan ikusiko gaituzu; hala suertatuz gero, eroan gaitzazu etxera, zuk ukitu ostean aldizkaria ezin baita tabernan geratu. Aleak utzi ohi ditugun beste leku batzuk, berriz, itxita daude oraindino.

Hori horrela, HIRUKA zabaltzeko bestelako bideak bilatuko ditugu, besteak beste kaleko banaketa zuzena. Adi egon beraz, eta zure ohiko kioskoan ikusten ez bagaituzu, eskatu, eroango dugu eta. Bestalde, liburutegi eta eraikin publiko gehienetan topatuko gaituzu.

Banaketa-lekuak:

ALGORTA
  • Villamonte kultur etxea (Villamonte kalea, 8A)
  • Udaletxea (Foruak kalea, 1)
  • Euskara Zerbitzua (Basagoiti etorbidea, 20)
  • Epaitegia (Foruak, 10)
  • Egunon kioskoa (Foruak kalea)
  • Fadura Ikastetxea LHII (Bizkerre kalea z/g)
  • Raimunda okindegia (Kasune kalea)
  • Egunkariak (Algortako Etorbidea)
  • Kukumiku prentsa denda (Juan Bautista Zabala, 11)
  • Quop prentsa eta gozoki denda (Telletxe kalea, 3)
  • Damaso y Lorenzo prentsa denda (Algortako etorbidea)  
  • Ondarreta gozoki denda (Basagoiti etorbidea, 73)
  • Elo prentsa denda  (Bolue kalea, 3- Villamonte)
  • Goizean prentsa denda (Puerto Orduña kalea, 1)
  • Maiuki frutadenda (Puerto Orduña kalea 2)
  • Aldapas prentsa denda  
  • Ameztiko estankoa (Amezti kalea, 4)
  • Itxasgane Prentsa Denda (Marqués de Arriluce e Ibarra kalea)
  • GetxoGaso
AREETA-ROMO
  • Romo Kultur Etxea (Ezequiel Agirre kalea, 6)
  • Kioskoa (Ezequiel Aguirre kalea, 2)
  • Andrés Isasi Musika Eskola (Mesedeetako kalea, 6)
  • Ondarreta prentsa denda (Gobelaurre kalea, 47)
BARRIKA
  • Udaletxea (Udaletxeko bidea, 6)
  • Pujana estankoa (Yonakone Kalea, 5)
BERANGO
  • Udaletxea (Simon Otxandategi etorbidea, 64)
  • Liburutegia (Simon Otxandategi etorbidea, 64)
  • Kioskoa (Sabino Arana kalea eta Simon Otxandategi etorbidearen arteko bidegurutzean)
ERANDIO
  • Ertzaintzaren Egoitza Nagusia (Larrauri-Mendotxe bidea, 18)
  • Udaletxea (Irailaren 23a plaza, 1)
  • Euskara Zerbitzua
  • Liburutegia (Antonio Trueba kalea, 21)
  • Ikusi Makusi  prentsa denda (Atxe bidea, 2 - Astrabudua)
  • Josu Murueta kultur etxea (Josu Murueta plaza - Astrabudua)
LEMOIZ
  • Udaletxea (Urizar auzoa, 56)
  • Talaia Supermerkatua (Armintza)
  • Farmazia (Armintza)
LEIOA
  • Kioskoa (Orixe Plaza, 38)
  • Sama kioskoa (Amaia kalea, 29)
  • Kioskoa (Iturribide kalea, 12)
  • Txomin Aresti Institutua (Iparragirre etorbidea, 76)
  • Gasolindegiak (Avanzada errepidea)
  • EHU Leioako campusa
GORLIZ
  • Udaletxea (Eliza enparantza z/g)
  • Udaltzaingoa (Aldai kalea z/g)
  • Kioskoa
PLENTZIA
  • Kioskoa (Ontziola plaza, udaletxearen ondoan)
SOPELA
  • Udaletxea (Sabino Arana kalea, 1)
  • Tucan prentsa eta gozoki denda (Landabe kalea, 2)
  • Yako prentsa denda (Loyola Ander Deuna kalea, 30)
  • Uribe Kostako Mankomunitatea bulegoak (Gatzarriñe kalea, 4)
URDULIZ
  • Kultur etxea (Aita Gotzon kalea, 16)
  • Udaletxea (Elortza plaza, 1)
  • Ziripot prentsa denda (Eleizalde kalea 1)

 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun