Euskaraldia 2020

2020ko Euskaraldian 180.000 herritarrek hartu dute parte

Abenduaren 4an burutzen den Euskaraldian 179.780 lagunek hartu dute parte, antolatzaileek publiko egin dituzten zifretan, lehenbiziko edizioan baino 45.374 gutxiagok (hartan 225.154k eman zuten izena). Aurtengoan parte hartzaileen % 77k hautatu dute ahobizi rola eta % 23k eraman dute belarriprest txapa.

Euskaraldiko bigarren edizioan, 2020ko azaroaren 20an hasi eta abenduaren 4an amaitzen den honetan, herritarren parte hartzea % 20 jaitsi da lehenbiziko edizioarekin alderatuta, antolatzaileek zabaldu dituzten azken kopuruen arabera: 179.780 lagunek eman dute parte hartzeko izena, horien artean % 77k hautatu dute ahobizi rola eta % 23k belarriprestena.

Antolatzaileen esanetan, 180.000 partaideen artean % 29k –50.000 inguru– izan direla Euskaraldian izena lehen aldiz eman dutenak eta duela bi urteko kanpainan gertatu bezala oraingoan ere emakumeak izan dira nagusi, % 62 zehazki. Datuei llurraldeka begiratuta, parte hartzaileen ia erdiak –% 44– Gipuzkoakoak izan dira, % 34,25 Bizkaikoak, % 11 Nafarroakoak, % 8,5 Arabakoak, % 1,5 Lapurdikoak, % 0,5 Nafarroa Beherekoak eta % 0,1 Zuberoakoak. Izen emaileen arteko % 0,25ek Euskal Herritik kanpoan bizi direnak izan dira, euskal diasporakoak.

Euskaraldiaren partaidetzaren adinei erreparatuz gero, izen emaileen % 23 16 eta 29 urte artekoa izan da, % 35 30 eta 44 urte artekoa, % 29 45 eta 59 urte artekoa eta % 12k 60 urte baino gehiago zituen.

Artikulu hau argia.eus-ek argitaratu du, eta CC-by-sa lizentziari esker ekarri dugu HIRUKAra.
 
Erlazionatuak

Euskaraldiari agurra egiteko ekitaldiak izango dira gaur Erandion eta Getxon

COVID-19ak baldintzatutako Euskaraldia amaierara heltzen ari da; hala, 15 egunotan bizi izandakoez, eta etorkizunari begira jartzeko, agur jaia egi...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun