Ingurumenaren Nazioarteko Eguna ospatzeko ekintzak antolatu dituzte Erandion eta Leioan

SOS Kurkudi plataformak ibilbide ezberdina izango duen martxa antolatu du domekarako. © SOS KURKUDI

Zapatu honetan, ekainaren 5ean, Ingurumenaren Nazioarteko Eguna dela-eta, hainbat ekintza antolatu dituzte Erandion; era berean, domekan, Kurkudi mendira bigarren martxa egingo dute Leioan.

Zapatuan, eskualdeko hainbat talde ekologistek deituta, Nazioarteko Ingurumenaren Eguna gogoan izango dute Erandion. Hasteko, Astrabuduko Josu Murueta plazatik abiatuko dira Erandiogoikoa auzora ibilaldia eginez, horretarako hitzordua 10:00etan jarri dute. Hortik, Astrabuduko Ibarreko hezegunera bisitaldia egingo dute, eta ondoren, 12:15ean, Erandiogoikoko Euskadi plazan manifestuaren irakurketa egingo dute.

Aldi berean, Erandiogoikoako Euskadi plazan tailerrak egingo dituzte, 11:15etik aurrera; ekintza guztiak musikagaz girotuak egongo direla jakinarazi dute antolatzaileek. Auzokoa Herrikoi Elkarteak antolatuta, beste hainbat ekintza egingo dituzte goizean zehar, besteak beste, aire osasuntsuaren beharra aldarrikatzeko erakusketa.

Kurkudira bigarren martxa

Leioan, aldiz, egingo dute Kurkudi mendira martxa domekan. Leioako domingotarren ordenako komentu ohiaren ingurua babesteko SOS Kurkudi plataformak lehendabiziko aldiaren arrakasta gainditzeko helburua dute oraingoan.

Domekako ibilbidea ezberdina izango dela nabarmendu dute antolatzaileek; 11:30ean Leioako bulebarreko Pirulitik abiatuta, Sarrienatik pasatuko dira, eta San Bartolomen amaituko da martxa. Bertan, Kurkudi mendia babesteko aldarrikapena irakurriko dute, eta "Leioa en verde" umeen marrazki-lehiaketako sariak banatuko dituzte.

 

Erlazionatuak

Kurkudi mendia babesteko martxa jendetsua egin dute

Leioa

Leioako Domingotarren komentu zaharrean kiroldegia egiteko proiektuaren aurka egiteko, eta berdegune horri babesa erakusteko, adin guztietako 400 p...
Elkartasuna kutsaduragaz amaitzeko

Erandio

Erandiogoikoko biztanleek urteak daramatzate inguruko lantegietako kutsadura jasaten, eta hainbat estrategia probatu ondoren, egitasmo berria aurke...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun