Plentzia eta Gorlizeko gazte-kuadrillek elkarretaratzea egingo dute Ertzaintzaren "neurrigabetasuna" salatzeko

Ontziola plazan, 19:00etan jarri dute hitzordua.

Sare sozialen bidez egin duten deialdian onartu dute kuadrillen jokabidea ere ez zela "eredugarria izan", baina salatu dute agenteen jarrera ez dagoela "inolaz ere justifikatuta". Bien bitartean, Plentziako Udalak segurtasun-neurriak indartu ditu egunotarako; izan ere, gaur, San Antolin eguna da, udalerriko jaien egun nagusian, baina Elixabete Uribarri alkateak azpimarratu duenez, "ez dago inolako jairik".

Plentzia eta Gorlizeko kuadrillek elkarretaratze-deialdia egin dute gaurko, irailaren 2rako, martitzen gauean gertatutako istiluetan, "Ertzaintzak erakutsitako neurrigabetasuna salatzeko". 19:00etan jarri dute hitzordua, Ontziola plazan.

Sare sozialetan zabaldu den deialdian onartu dute beraietariko askoren jokabidea ere ez zela "eredugarria" izan. Hala ere, salatu dute Ertzaintzak izan zuen jarrera ez dagoela "inolaz ere justifikatuta", eta, adierazi dutenez, "herriaren kontrako eraso bat izan zen".

Gogoratu beharra dago ertzainek hiru pertsona atxilotu zituztela, Plentziako Alde Zaharrean pilatutako jendea disolbatzerakoan sortu ziren istiluen ondorioz. Atxilotuei desordena publikoak eta agintaritza-agenteen aurkako atentatua egitea egotzi zieten.

Plentzia blindatuta

Martitzen gauean gertatutako istiluen harira, Elixabete Uribarri alkateak zera azpimarratu du: "Plentziarrok nazkatuta gaude gizalegearen aurkako jokabide hauekin, gizarte osoari kalte handia egiten diete, eta, bereziki, Plentziako herritarrei". 

Horregatik, eta egunotan herriko San Antolin jaiak ospatuko zirelako, Plentziako Udalak segurtasun-neurriak indartu ditu, inolako ospakizunik egon ez dadin. Hori dela eta, gaurtik, irailaren 2tik, 5era arte, segurtasun-neurri bereziak ezarriko dituztela iragarri dute; hala, Udaltzaingoak eta Ertzaintzak kontrolak indartuko dituzte, bai herriko sarbideetan bai metro-geltokiaren inguruetan ere, galarazteko jendea botilakaz herrira sar dadin.

Erlazionatuak

Plentziako Udalak dispositibo berezia ezarriko du "herritarren segurtasuna bermatzeko"

Plentzia

Bart gauen Plentziako Alde Zaharrean gertatutako istiluak direla eta, hiribilduko Udalak iragarri du segurtasuna bermatzeko dispositibo berezia eza...
Ertzaintzak hiru pertsona atxilotu ditu Plentzian bart gaueko istiluetan

Plentzia

Plentzian, Ertzaintzak hiru gazte atxilotu ditu bart desordena publikoak eragitea eta agintaritza-agenteen aurkako atentatua egitea egotzita. San A...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun