Uribe Kosta-eskuinaldeko Pentsiodunen Plataformak eskualdeko manifestazioa egin du Berangon

Gaur, 170 lagun baino gehiago elkartu dira Berangon eskualdeko Pentsiodunen Plataformak deitutako manifestazioan. Mobilizazioagaz bat egin dute Oneka, Euskal Herriko emakume pentsiodunen plataformako kideek, eta Itzubaltzeta/Romoko Ibar Nagusien Etxea elkarteko kideek ere.

Eguraldiak lagundu ez arren, Uribe Kosta-eskuinaldeko Pentsiodunen Plataformak 170 lagun baino gehiago elkartu ditu, gaur, irailaren 20an, Berangon egindako manifestazioan. Gogoratu dutenez, hiru urte baino gehiago daramatzate etenik gabe mobilizatzen eta beraien aldarrikapenak adierazten. Orain, beste mugimendu batzuekaz indarrak elkartzen jarraitzeko beharra azpimarratu dute.

Argazki-galeria

Pentsionistak Manifestazioa Berango

Manifestazioa Sabino Arana kaletik Lantzarte zelaira arte joan da. Bertan, Iñaki Bernaola idazleak eta beste kide batzuek manifestua irakurri dute beraien aldarrikapenakaz –gutxieneko pentsioa eta soldata, % 100 alarguntasun-pentsioa, lan- eta pentsio-erreformak indargabetzea, bizi-baldintza duinak eta gizarte- eta osasun-zerbitzu publikoak eta kalitatezkoak, besteak beste–. Gainera, beste kolektibo batzuei, eta, oro har, langileei gogoratu gura izan diete beraien eskaerak ez direla pentsiodunen kolektiboarenak soilik, gizarte osoari eragiten dioten eskubideak baitira.

Ondoren, Pilar Villadangos eta Iñaki González Itzubaltzeta/Romoko Ibar Nagusien Etxea elkarteko kideek, Getxoko Udalak Lope de Vega 12. zenbakiko eraikina eraisteko planak azaldu dituzte. Azken urteotan egindako jarduera soziokulturala deskribatu dute, eta eraikin horrek Romo eta Getxon duen garrantzia azpimarratu dute.

Erlazionatuak

Lekualdatzearen kontra agertu dira Ibar Nagusien Etxea elkarteko bazkideak

Getxo

Imanol Landa Getxoko alkateagaz bilera bat egiteko eskatu du Itzubaltzeta/Romoko Ibar Nagusien Etxea elkarteko zuzendaritza-batzordeak; horren bita...
Lope de Vega kaleko udal-eraikinen eraisketaren aurka mobilizatuko dira gaur

Getxo

Gaur, hilaren 26an, manifestazioa egingo dute Itzubaltzeta/Romoko Lope de Vega kaleko udal-eraikina eraistearen kontra. Romo Plataformak antolatuta...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun