Plentziako Ontziola plazan, Odei Barroso euskal rap munduko erreferente nagusienetako bat ekarriko du Kulturaldiak. Hainbat musika arlo landu dituen artista polifazetikoak gazteen parte hartzea sustatuko duen kontzertua eskainiko zu 21:00etatik aurrera.
Sopelako Kuadrillek Musikaren Eguneko jaialdia ospatuko dute lehen aldiz. Horretarako, 18:00etatik aurrera, musika kalera aterako dute herriko tabernetan zehar kontzertu akustikoa eskainiko duen Aseloth Black Patxangaren eskutik. Ostean, 20:00etan, eguneko hitzordu garrantzitsuena hasiko da Ugerda, Lamiak eta Down the Lather taldeen kontzertuakaz. Bukatzeko, 00:00etati aurrera, Erroia tabernan kuadrillen karaokea egongo da, gaua ezin baino hobeto bukatzeko.
Berangon, ekintzez betetako Fair Saturday ospakizun berezia egingo dute. Santa Ana plazan egingo dituzten jarduerez gain, Berango Antzokian hainbat ikustaldi egongo dira: Argia Fundazioko abesbatza, Meia Meia Dantza, Porte Dantza estudioa, Ana Lara Dantza Eskola eta Ohana Dantza Eskola.
