A30 greba feminista orokorra

Uribe Kostako kaleetan mobilizazio ezberdinak antolatu dituzte greba feminista orokorrerako

Nahia Martinez Gondra 2023ko aza. 29a, 13:15
Uribe Kostako udalerri ezberdinetako komiteak ere zaintza kolektiborako borrokara batu dira.

Azaroaren 30ean, mugimendu feministak greba feminista orokorra deitu du Hego Euskal Herri osorako. Hala, Uribe Kostako udalerri ezberdinetako komiteak ere zaintza kolektiborako borrokara batu dira, herri bakoitzean mobilizazio eta ekintza ezberdinak antolatuz. Hona hemen, herriz herri greba feminista orokorrerako plangintza.

Jarraipen osoa, X biden (lehengo Twitter)

 
Iragarritako mobilizazioak
Getxo

Romo

  • 07:00 Elkarretaratzea St. Eugenia plazan.
  • 07:15 Pikete informatiboak St. Eugenia plazan.
  • 09:00 Gosaria St. Eugenia plazan.
  • 10:00 Herri dekorazioa St. Eugenia plazan.
  • 11:00 Hausnarketa kolektiboa St. Eugenia plazan.
  • 12:30 Manifestazioa St. Eugenia plazan.
  • 14:00 Bazkaria St. Eugenia plazan. Bazkaria autogestionatua edota erreserbagaz 5 euro (616 220 519). "Mahai tresnak etxetik ekarri!".
  • 16:30 Topaketa Bilbora joateko Areetako metro geltokian.

Zaintza zerbitzua egongo da goizean zehar.

Algorta

  • 06:30 Topaketa Telletxen. "Ekarri zaintza-tresnak".
  • 09:00 Gosari Kolektiboa Telletxen.
  • 10:30 Lapiko jotzerako topaketa Telletxen.
  • 12:30 Manifestazioa eta pikete informatiboak Telletxetik hasita.
  • 14:30 Herri bazkaria autogestionatua Txiki Otaegin. "Ekarri zerbait elkarbanatzeko!".
  • 16:30 Topaketa Bilbora joateko Telletxen.
Berango
  • 10:30 Kotxe karabana Parking Bentatxutik.
  • 12:30 Elkarretaratzea Gudari enparantzatik.
  • 16:20 Topaketa Bilbora joateko metrotik.
Leioa
  • 07:30 Piketeak Sakoneta kiroldegitik.
  • 09:30 Erresidentziako langileakaz elkartasuna kotxez PLZ gorriaren atzealdetik (Fruteria Txema).
  • 12:00 Manifestazioa Boulevardetik.
  • 13:15 Kotxe-karabanan Arteara PLZ gorriaren atzealdetik (Fruteria Txema).
  • 16:30 Topaketa Bilbora joateko Leioako metro geltokian.
Erandio
  • 00:00 Txupinazoa eta greba egunaren hasiera Altzaga metro geltokian.
  • 07:00 Manifestazioa Astrabudutik Altzagara, Josu Murueta plazan.
  • 08:30 Manifestazioa Erandioko udaletxean, Irailaren 23a plazan.
  • 09:30 Gosaria Altzagako Gautxorin.
  • 10:30 Kotxe karabana Altzagako merkadilloan.
  • 10:30-12:30 Informazio gunea Altzagako metro geltokian.
  • 11:00 Elkarretaratzea Erandiogoikoko San Jose egoitzan.
  • 12:30 Manifestazioa Altzagatik metro geltokian.
  • 14:30 Bazkari autogestionatua Irailaren 23a plazan. "Ekarri bokata etxetik!"
  • 16:30 Topaketa Bilbora joateko Altzagako metro geltokian.
Sopela
  • 07:30 Topaketa Larrabasterrako plazan.
  • 09:00 Gosaria zaintza gunean.
  • 09:30 Elkarretaratzea Udaletxe plazan.
  • 10:00 Piketeak Sopela-Urduliz.
  • 14:30 Bazkari kolektiboa zaintza gunean. "Ekarri zerbait elkarbanatzeko!"
  • 16:30 Topaketa Bilbora joateko metroan.
Urduliz
  • 08:50 Informazio piketea eskola gunean eta gero udaletxearen aurrean.
  • 10:30 Merkataritzagunea eta metro geltokia.
  • 12:00 Mecaner aldera joan eta Sopelako jendeari itxaron.
  • 12:30 Urdulizko egoitzara joan eta handik ospitalera.
  • 14:00 Sopelako egoitzaren aurrean.
Gorliz-Plentzian
  • 07:30 Piketea metro geltokian.
  • 08:30 Gosari kolektiboa.
  • 09:30 Bizi-kotxe karabana.
  • 10:30 Pikete informatiboa.
  • 12:00 Manifestazioa Gorlizko udaletxetik.
  • 14:00 Herri-bazkaria.
  • 15:00 Asanblada ez-mistoa.
  • 16:15 Topaketa Bilbora joateko metroan.

Zaintzak kolektibizatzeko gunea

Zaintzak kolektibizatzeko gunea izango da Algortako Azebarri Kultur Elkartea azaroaren 30ean. Bertan, besteen zaintzaz arduratu behar diren lagunek lagunduta eta era kolektiboan egiteko aukera izango dute; umeentzako jolasak, begiraleak eta lasaitzeko guneak egongo dira; kolektiboan hausnartzeko eta pentsatzeko eremua sortuko dute eta betiere greba eguneko zereginez deskantsatzeko tokia izango da.

Emakume arrazializatu migratu eta ijitoak, greba eskubiderik gabe

Alabaina, pertsona guztiek ez dute grebarako eskubiderik. Hori da, zehazki, emakume arrazializatu migratu eta ijitoen kasua. Horregatik, azaroaren 11n, emakume arrazializatu, migratu eta ijitoen 20 bat kolektibok eta erakundek komunikatu bateratu bat zabaldu zuten adieraziz, ez zirela greba feminista orokorrera batuko. Nahiz eta horietako askok hasieran greba hau aurrera eramateko prozesuan parte hartu eta zaintzarako eskubide kolektiboaren diskurtsoagaz bat egin, erabaki dute deialdi orokor honetatik kanpo mantentzea.

Eman dituzten arrazoiak, besteak beste, hurrengoak dira: hasteko, grebak kanpoan uzten ditu arautu gabeko sektoreetan eta babes sindikalik gabekoetan lan egiten dituzten pertsona arrazializatu migratu eta ijitoak, eta horregatik uste dute greba ez dela tresnarik onena zaintza kolektiborako aldarria egiteko. Ildo berean, azpimarratu dute subjektu politiko gisa jardun ezin duten tresna baten alde egiteak berriz ere "mendeko posizioan" uzten dituela. Gainera, euren esanetan "mugimendu feminista batez ere zuri batek" gonbidatzen ditu planteamendu itxi bategaz bat egitera, eta "aurten ere" sentitu dute ez direla entzun edo txertatu zenbait gunetan planteatu dituzten zalantzak. Irakurri komunikatu osoa hemen. 

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun