Bergararen hogeigarren liburu honek berezitasun bat du: obra osoa adimen artifizialagaz eginda dago, ilustrazioak zein testuak. Prozesu luzea izan da: "Hainbat froga egin ostean, balio duen emaitza lortzen duzunean, zure ukitua eman behar diozu. Toponimoek, esate baterako, hurbilagoak bihurtzen dituzte ipuinak. Eta hori sortzailearen lana da, AAk ez dizu hain emaitza ona ematen", azaldu du. Guztira urte eta erdi egon da irudiak sortzen, eta ahalegin handiak eta gero, uste du lortu duela azkenean "euskal mitologiaren ikonografia berri bat".
Era horretan, AAk batez ere kontakizunari "arintasuna" eskaini diola ziurtatu du. Izan ere, prozesu guztia berak kontrolatu du eta berak markatu du sormen-denbora: irudiak sortzea, aukeraketa, maketazioa, etab.
Hala, uste du euskal mitologiak arbasoen kosmobisioa erakusten duela, "herri gisa dugun mundua ulertzeko modu bat, inguruan dauden elementuei hurbiltzeko ikuspuntu berezi bat" eskainiz. Gainera, ipuinetan protagonista diren pertsonaia mitologikoen ezaugarrien bidez, irakaspen ezberdinak partekatzen ditu liburuak: naturarekiko errespetua edota bakoitzaren garrantzia nahiz eta txikia izan, besteak beste. Liburuaren aurkezpena egingo du ekainaren 9an, Bilboko Liburu Azokan, karpa nagusian, 13:00etan.
