Bizkaiko Foru Aldundiak itsasadarraren ertz biak lotuko dituen tunelaren proiektuari aurkeztutako alegazioen bi heren onartu ditu, osorik edo zati batean, Carlos Alzaga Azpiegitura eta Lurralde Garapeneko diputatuak azaldu duenez. Aldaketak auzokoen eraginak murriztean oinarritzen dira, hala nola pantaila akustikoak sartzea eta lan-ordutegiak egokitzea.
Proiektua teknikaren, ekonomiaren eta ingurumenaren aldetik oso konplexua dela eta, berrikusi egin dutela azaldu du diputatuak, bizilagunen ekarpenak kontuan hartuta eta indarrean dagoen legediaren arabera. "Ezin da ezer estali gabe utzi", adierazi du Alzagak, jasotako iradokizunakaz plana hobetzearen garrantzia azpimarratuz.
Leixuri Arrizabalaga Aldundiko bozeramaileagaz batera egindako agerraldian, Alzagak nabarmendu du egungo fasea azken hobekuntzak sartzean oinarritzen dela, eta hobekuntza horiek ere ingurumen-kezkei heltzen dietela, ibaiaz azpiko tunelaren inpaktua minimizatzeko konpromisoaren zati gisa.
