Subflubiala Ez plataformaren esanetan, proiektuak arazo larriak sortuko ditu Getxo eta Leioa arteko inguru horretan, hala nola trafikoa eta kutsadura areagotzea, Artaza-Romo Institutua hondatzea, Artatza parkea bezalako berdeguneak kentzea eta baliabide publikoen gastu handia. "Aldundiaren orain arteko erantzun bakarra gure kezkei erantzuten ez dieten panfletoak izan dira, bizkaitar guztien diruarekin ordaindu direnak", adierazi dute plataformako ordezkariek.
Plataformaren ustez, gardentasuna funtsezkoa da, eta herritarrek ibai-azpiko proiektuari buruz dituzten zalantzak argitzea ahalbidetuko duen elkarrizketa-gune bat irekitzeko beharra defendatu dute.
Hala, Bizkaiko Foru Aldundiko Elixabete Etxanobe diputatu nagusia, Carlos Alzaga Garraio diputatua eta Imanol Pradales proiektuaren bultzatzailea eta egungo lehendakaria eztabaida publiko batera gonbidatu dituzte, "nahi duten datan eta lekuan". Hori frogatzeko, Aldundiko Garraio eta Azpiegitura Saialari bidalitako eskabidea ere aurkeztu dute.
