Itsasadarraren azpiko tunelaren proiektua geldiarazteko manifestazioa egin dute

Ander Zarraga 2024ko eka. 17a, 08:55
Deskargatu Info Ahotsak :
es en fr

Proiektua geldiarazteko plataformak aste-akabuko kanpaldia iragarri zuen irailaren 21erako. © SUBFLUBIALA EZ PLATAFORMA

Zapatuan, ehunka herritarrek parte hartu zuten Bizkaiko Foru Aldundiak itsasadarraren azpian egin gura duen tunelaren proiektua geldiarazteko exijitzeko manifestazioan. Subflubiala Ez plataformako deitzaileek 500 parte-hartzaile inguru zenbatu zituzten Itzubaltzeta/Romoko kaleetatik egindako mobilizazioan, eta ekintza gehiago iragarri dituzte irailerako.

Manifestazioa Artatzako parkean bukatu zuten, tunelaren obrek hartuko luketen berdegunean, hain zuzen ere. Bertan egin zuten irakurketan proiektua geldiarazteko hainbat argudio zerrendatu zituzten, hala nola 600 milioi eurotik gorako diru-xahuketa, mugikortasun eta garraio aldetik duen plangintza eskasa, lanek eta azpiegiturak ekarriko duen trafikoak ingurumenean izango duten inpaktua eta mugikortasun-politika jasangarrien aurka eta ibilgailu pribatuaren alde egitea.

Halaber, azpimarratu zuten abenduan hasi gura duten proiektua geldiarazteko borrokan jarraitzeko asmoa dutela, eta iragarri zuten irailaren 21ean, Artatza parkean, aste-akabuko kanpaldia egiteko asmoa dutela. "Bizitza emango diogu parkeari, ekintza ludiko eta kulturalen bidez, eta argi utziko dugu lursail hau defendatuko dugula azpiegitura txikitzaile eta inposatuaren aurrean", azpimarratu zuten. 

Ingurumena Getxo
Erlazionatuak
Itsasadarreko tunelaren proiektua geldiarazteko plataforma aurkeztu dute
Itsasadarreko tunelaren proiektua geldiarazteko plataforma aurkeztu dute

Ander Zarraga mar 20 Getxo   Leioa

Itsasadarraren azpiko tunela egiteko lanak datorren urtearen erdialdean hasiko dituzte
Itsasadarraren azpiko tunela egiteko lanak datorren urtearen erdialdean hasiko dituzte

Ander Zarraga 2023 aza 16 Getxo   Leioa

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun