Taldeek argudiatu dute leherketak ez direla teknikoki beharrezkoak, tunela hain erasokorrak ez diren metodo mekanikoakaz zulatu daitekeelako. Gainera, ohartarazi dute zaratak, bibrazioak eta partikula kutsatzaileak ugaritu egingo direla, eta horiek biztanleria dentsitate handiko eremuetan eta ikastetxeetan kalte handia eragingo dutela, hala nola Artaza-Romo BHIn. Halaber, kritikatu dute proiektuak auto pribatuaren erabilera sustatuko lukeela, jasangarritasun-printzipioen aurka eginez.
Taldeek ere zalantzan jarri dute prozesuaren gardentasun falta, alegazioen fasean parte hartu zuten pertsona eta erakunde guztiei ez baitiete aldaketaren berri eman. Gauzak horrela, Aldundiari proiektua berehala gelditzea eskatu diote, metatutako inpaktu guztiak kontuan hartuko dituen DIA berri bat eta mugikortasun iraunkorreko ereduen aldeko apustu argi bat egin arte.
"Sustatzaileak tranpa egin nahi dio sistemari: leherketak eta baztertutako biaduktua berriro sartu nahi ditu, azterketa zehatzik gabe eta herritarren osasunaren kontura. Legea aplikatzea eta ondasun komuna interes ekonomikoen gainetik lehenestea eskatzen dugu", adierazi dute kolektiboek, eta osasun publikorako eta Lamiakoko hezegunea eta Artaza parkea bezalako natur-guneen kontserbaziorako arriskuen ebaluazio zorrotza eskatzen dute.
