Euskal Herriko Mugimendu Feministak kalera ateratzeko deia egin du gaur, azaroak 25, Zuen hipokrisia indarkeria da! lelopean, indarkeria matxista sostengatzen duten egiturak eta konplizitatea salatzeko. Feministek nabarmendu dute emakume, trans eta bolleroek jasaten duten indarkeria ez dela kasualitatea, baizik eta "sistema kapitalista, zisheteropatriarkal eta arrazistak betikotzen dituen egitura eta mekanismoen ondorioa".
Deitoratu dute beraien urrats bakoitzaren aurrean "oldarraldi berri bat" ematen dela eskuinetik nahiz ezkerreko sektore erreakzionarioen partetik, eta horretan parte hartzen duten "inguruko gizonen" eta instituzioen konplizitatea seinalatu dute. Hala, mugimenduak elkartasuna adierazi die hildako emakumeei eta nazioarteko borroka feministei, Israelen aurka, Saharan eta Palestinan, eta aldarrikatu dute "gure gorputza gure erabakia" dela, abortu libre, doako eta publiko baten alde borrokan jarraituz.
Gaurko deialdiak
- 11:30 Elkarretaratzea Leioan, Boulevardean, Udalak deituta.
- 12:00 Elkarretaratzea, manifestuaren irakurketa eta kalejira esku moreen lorategiraino Erandion, Irailaren 23a plazan, Erandioko Emakumeen Elkarteak deituta.
- 12:00 Elkarretaratzea Erandio, Josu Murueta plazan, Astrabuduko Emakumeen Elkarteak deituta.
- 12:00 Elkarretaratzea Lemoizen, Udaletxean.
- 12:00 Elkarretaratzea eta manifestuaren irakurketa Barrikan, Emakumeen Biribilgunean.
- 17:30 Zine foruma: El consentimiento, Barrikan.
- 18:30 Ipuin-kontalaria Berangon, Liburutegian,
- 19:00 Manifestazioa Algortan, Telletxetik abiatuta, Mugimendu Feministak deituta.
- 19:00 Elkarretaratzea Gorliz-Plentzian, Portutik abiatuta, Mugimendu Feministak deituta.
- 19:00 Elkarretaratzea Sopelan, udaletxetik abiatuta, Mugimendu Feministak deituta.
- 19:30 Manifestazioa Itzubaltzeta/Romon, Santa Eugenia plazatik abiatuta, Mugimendu Feministak deituta.
- 19:30 Elkarretaratzea Erandion, Euskadi plazan (elizaren aurrean), Damatxo Erandioko Emakumeen Elkarteak deituta.
- 19:30 Elkarretaratzea Areetan, Bizkaia Zubiaren ondoko puntu morean, Gizatiar Emakumeen Elkarteak deituta.